Hrithikroshan Krish 4 shooting: బాలీవుడ్ స్టార్ హీరో హృతిక్ రోషన్ ప్రధాన పాత్రలో నటించిన 'క్రిష్' సిరీస్ చిత్రాలకు ఎంతోమంది అభిమానులున్నారు. ఈ సిరీస్లో నాలుగో చిత్రంగా 'క్రిష్ 4' తెరకెక్కించనున్నట్టు దర్శకనిర్మాత రాకేష్‌ రోషన్ ఇప్పటికే ప్రకటించారు. సెట్స్పైకి వెళ్లడానికి సిద్ధమవుతున్న సమయంలోనే కరోనా లాక్‌డౌన్‌ పరిస్థితుల వల్ల వాయిదా పడిందీ చిత్రం. అయితే ఇప్పుడీ చిత్రాన్ని సెట్స్పైకి తీసుకెళ్లేందుకు చిత్రబృందం సన్నాహాలు చేస్తున్నట్లు తెలిసింది. ఈ ఏడాది జూన్లో సినిమా చిత్రీకరణ ప్రారంభించే అవకాశం ఉందని ఓ సినిమా ప్రతినిధి తెలిపారు. "క్రిష్ 4కు సన్నాహాలు జరుగుతున్నాయి. నటీనటుల ఎంపిక ప్రక్రియ కూడా జరుగుతోంది. ఈ ఏడాది జూన్లో షూటింగ్ ప్రారంభిస్తాం"అని సదరు ప్రతినిధి అన్నారు.
'టైమ్‌ ట్రావెల్‌' కథాంశంతో 'క్రిష్ 4' సాగనుందని సమాచారం. ఈ సిరీస్లో భాగంగా తొలి సినిమా అయినా 'కోయీ మిల్గయా' చిత్రంలో గ్రహాంతర వాసి జాదూ పాత్రను ప్రేక్షకులు మర్చిపోలేరు. ఆ జాదూ సాయంతోనే తన తండ్రి రోహిత్ మెహ్రాను కాపాడటమే ఈ సినిమా కథాంశమని సమాచారం. కాగా, హృతిక్ ప్రస్తుతం 'ఫైటర్', 'విక్రమ్ వేదా' చిత్రాల్లో నటిస్తున్నారు.
ఇదీ చూడండి: ఎన్టీఆర్ సినిమాతో మళ్లీ తెరపైకి సోనాలీ బింద్రే!
