'అరే ఈ సినిమా మా హీరో చేయాల్సింది రా. జస్ట్ మిస్. మీ హీరో చేసి హిట్ కొట్టాడు గానీ.. అదే మా వాడు చేసుంటేనా.. సినిమా బ్లాక్బస్టర్ అయ్యేది'.. ఇద్దరు తెలుగు సినిమా అభిమానుల మధ్య ఇలాంటి డిస్కషన్స్ జరగడం సర్వసాధారణం.
అయితే అలా ఓ హీరో.. సినిమా వదులుకోవడానికి, మరో హీరో ఆ సినిమా చేయడానికి కారణాలు ఏమైనా సరే.. ఇలాంటి సంఘటనలు టాలీవుడ్లో చాలానే జరిగాయి. ఇది హీరోలకు మాత్రమేనా అంటే అస్సలు కాదు. హీరోయిన్లు కూడా చాలాసార్లు మంచి మంచి సినిమాల్లో డేట్లు సర్దుబాటు కాక, మరే ఇతర కారణాల వల్లనో ఆయా చిత్రాల్ని వదులుకున్న సందర్భాలు బోలెడు ఉన్నాయి. అలా కొన్ని అద్భుతమైన సినిమాల్లో నటించే అవకాశం కోల్పోయిన హీరోయిన్స్ ఎవరు? ఆ సినిమాలేంటి తెలియాలంటే ఈ స్టోరీ చదివేయండి.
మహానటి: దిగ్గజ నటి సావిత్రి బయోపిక్గా తెరకెక్కిన ఈ సినిమాలో తొలుత టైటిల్ రోల్ కోసం నిత్యామేనన్ను అనుకున్నారు. కానీ ఆ పాత్ర కీర్తి సురేశ్ను వరించింది. సావిత్రి ఇలానే ఉంటుందా అనేంతలా అద్భుతంగా నటించిన కీర్తి.. నటిగా జాతీయ అవార్డు కూడా సొంతం చేసుకుంది.
రంగస్థలం: ఈ సినిమాలో రామ్చరణ్ పక్కన తొలుత అనుపమ పరమేశ్వరన్ను హీరోయిన్గా అనుకున్నారు. కానీ చివరకు సమంత ఫైనల్ అయింది.
రెబల్-నారప్ప-కొచ్చాడియన్: ఈ మూడు సినిమాల్లోనూ తొలుత హీరోయిన్గా అనుష్క శెట్టినే అనుకున్నారు. కానీ ఏమైందో ఏమోగానీ వీటిలో ఆమె నటించలేదు. ఆ తర్వాత తమన్నా-రెబల్, నారప్ప-ప్రియమణి, దీపికా పదుకొణె-కొచ్చాడియన్.. ఆ సినిమాల్లో నటించారు.
చెలియా: నేచురల్ బ్యూటీ సాయిపల్లవిని ఈ సినిమా కోసం హీరోయిన్గా అనుకున్నారు. కానీ ఆ తర్వాత అదితీ రావ్ హైదరీకి ఆ ఛాన్స్ దక్కింది.
గీతగోవిందం: రూ.100 కోట్లు వసూళ్లు సాధించిన ఈ చిన్న సినిమా.. విజయ్ దేవరకొండతో పాటు హీరోయిన్ రష్మికకు చాలా గుర్తింపు తీసుకొచ్చింది. అయితే ఇందులో హీరోయిన్గా తొలుత రకుల్ ప్రీత్ సింగ్ను అనుకున్నారు. కానీ అది వర్కౌట్ కాలేదు.
బిజినెస్మేన్: మహేశ్బాబు-పూరీ జగన్నాథ్ కాంబినేషన్లో వచ్చిన మాస్ ఎంటర్టైనర్లో హీరోయిన్గా తొలుత శ్రుతిహాసన్ను ఎంపిక చేసినట్లు వార్తలు వచ్చాయి. కానీ ఆ తర్వాత కాజల్ అగర్వాల్ కథానాయికగా చేసింది.
అలానే వరుణ్తేజ్ 'గని'లో కియారా అడ్వాణీకి బదులు సయీ మంజ్రేకర్, 'రాజుగారి గది 3'లో తమన్నాకు బదులు అవికా గోర్, హిందీ 'జెర్సీ'లో రకుల్ బదులు మృణాల్ ఠాకుర్, 'మాస్ట్రో'లో పూజా హెగ్డే బదులు నభా నటేశ్, నాని 'జెంటిల్మన్'లో నిత్యామేనన్కు బదులు సురభి, 'అమర్ అక్బర్ ఆంటోని'లో అను ఇమ్యాన్యుయేల్కు బదులు ఇలియానా హీరోయిన్లుగా చేశారు.
ఇవీ చదవండి:
