తన అందం, అభినయంతో ఎందరో అభిమానుల మనసుల్ని దోచిన హీరోయిన్ మిల్కీబ్యూటీ తమన్నా. తెలుగు, తమిళ చిత్రాలతోపాటు బాలీవుడ్‌ సినిమాల్లోనూ నటించిన ఈ ముద్దుగుమ్మ.. సోషల్‌మీడియా వేదికగా అభిమానులతో ఈరోజు సరదాగా ముచ్చటించింది. ఇందులో భాగంగా ఎన్నో ఆసక్తికర విషయాలకు సమాధానం చెప్పింది.
- మీరు ఇటీవల సత్యభామ కాలేజ్‌ ఫెస్ట్‌లో పాల్గొన్నారు కదా.. మీకెలా అనిపించింది?
- తమన్నా: పదేళ్ల తర్వాత నేను అక్కడికి వెళ్లాను. నాకెంతో సంతోషంగా అనిపించింది.హీరోయిన్ తమన్నా
- మీ దృష్టిలో ఈ ప్రపంచంలోనే అత్యంత విలువైనది?
- తమన్నా: ఇది చాలా క్లిష్టమైన ప్రశ్న. విభిన్నమైన వ్యక్తులకు విభిన్నమైన ఆలోచనలు, అభిప్రాయాలు ఉంటాయి. నాకు మాత్రం నా కుటుంబం.. ఈ ప్రపంచంలోనే విలువైంది.
- మంచి కథ? మంచి పాత్ర? ఏది ఎంచుకుంటారు?
- తమన్నా: టీమ్‌ వర్క్‌తోనే సినిమాలు వస్తాయి. కాబట్టి మొదట నేను మంచి టీమ్‌ను చూస్తా. మంచి కథ, నన్ను ఆసక్తికి గురిచేసే పాత్ర కోసం చూస్తాను.
- ఇన్‌స్టాలో 10 మిలియన్ల మంది మిమ్మల్ని ఫాలో అవుతున్నారు కదా.. దాని గురించి ఒక కామెంట్‌?
- తమన్నా: చాలా సంతోషంగా ఉంది. మీ ప్రేమాభిమానాలకు ధన్యవాదాలు.
- ఇటీవల మీరు టేబుల్‌ టెన్నిస్‌ అంటే ఇష్టమని ఓ ఇంటర్వ్యూలో చెప్పారు. ఏదైనా పోటీల్లో పాల్గొని బహుమతి గెలుచుకున్నారా?
- తమన్నా: నాకు ఆడడం అంటే ఇష్టం, అలవాటు. అంతేకానీ పోటీ పడడం కోసం ఆడను.
- మీ తల్లిదండ్రుల నుంచి నేర్చుకున్న ఒక విలువైన విషయం ఏంటి?
- తమన్నా: మీరు ఏమైతే ఇస్తారో అదే మీకు వస్తుంది
- 'డాంగ్ డాంగ్' సాంగ్‌ చేయడం ఎలా అనిపించింది?
- తమన్నా: నాకెంతో ఇష్టమైన అనిల్‌ రావిపూడి, మహేశ్‌, దేవిశ్రీలతో కలిసి పనిచేయడం చాలా సరదాగా అనిపించింది.సరిలేరు నీకెవ్వరులోని డాంగ్ డాంగ్ పాటలో తమన్నా
- మరోసారి సూర్యతో కలిసి నటించే అవకాశం వస్తే ఓకే చేస్తారా?
- తమన్నా: సూర్యతో కలిసి పనిచేయడం నాకు చాలా ఇష్టం. ఆయనతో పనిచేయడం ఓ కలలా ఉంటుంది.
- మీ ఇంట్లోవాళ్లు ముద్దుగా ఏమని పిలుస్తారు?
- తమన్నా: తమ్మూ
- 'సీటీమార్‌' కోసం గోపీచంద్‌తో మొదటిసారి, అలాగే సంపత్‌నందితో మూడోసారి పనిచేయడం ఎలా ఉంది?
- తమన్నా: ముచ్చటగా మూడోసారి సంపత్‌నందితో కలిసి పనిచేయడం నాకెంతో సంతోషంగా ఉంది. అలాగే గోపీచంద్‌తో మొదటిసారి పనిచేయడం ఫన్‌.
- మిమ్మల్ని మీరు నిరూపించుకోవడానికి ఏ జోనర్‌ చిత్రాలను ఎంచుకుంటారు?
- తమన్నా: కథానాయిక ప్రాధాన్యమున్న యాక్షన్‌, కామెడీ జోనర్‌ చిత్రాలు.
- మీరు ఇప్పటిదాకా నటించిన సినిమాల్లో ఏది ఛాలెంజింగ్‌గా ఉంది?
- తమన్నా: బాహుబలి. బాహుబలిలో తమన్నా
- మీకు ఇష్టమైన ప్రదేశం?
- తమన్నా: మా ఇల్లు
- పవన్‌కల్యాణ్‌ గురించి ఒక్కమాటలో చెప్పంటే?
- తమన్నా: ఆయనో గొప్ప స్ఫూర్తిపవన్కల్యాణ్తో తమన్నా
- నటనా రంగంలోకి వచ్చినప్పుడు మీ మొదటి ఆలోచన ఏమిటి?
- తమన్నా: కెమెరా ఫేస్‌ చేయాలి. అలాగే రోజూ ఓ కొత్త విషయాన్ని తెలుసుకోవాలి.
- సమంత గురించి ఒక్కమాటలో..
- తమన్నా: ఆమెతోపాటు ఆమె మనసూ అందంగా ఉంటుంది.
- మీకు ఇష్టమైన ఫుడ్‌?
- తమన్నా: పావ్‌ బాజీ
- ఒకవేళ మీరు ఇంత ఫేమస్‌ కాకపోయి ఉంటే అప్పుడేం చేసేవారు?
- తమన్నా: మీలాంటి ఎందరో అభిమానులతో ఛాటింగ్‌ చేసే అవకాశాన్ని మిస్‌ అయ్యేదాన్ని.
- 'జోకర్‌' సినిమా చూశారా?
- తమన్నా: చూడలేదు. కానీ తప్పకుండా చూడాలనుకుంటున్నాను.
- 'సరిలేరు నీకెవ్వరు' ప్రీరిలీజ్‌ ఈవెంట్‌లో చిరంజీవి మిమ్మల్ని ప్రశంసించడం ఎలా అనిపించింది?
- తమన్నా: ఆయన గొప్ప వ్యక్తి. సినిమా కోసం పనిచేసిన ప్రతి ఒక్కరికీ ఆయన తగినంత గుర్తింపు ఇస్తారు.చరణ్, చిరంజీవిలతో తమన్నా
