'వి' సినిమాలో నటుడు సుధీర్బాబు కీలక పాత్రలో నటిస్తున్నాడు. అయితే ఇంతవరకూ అతడి పాత్రపై చిత్రబృందం ఎటువంటి సమాచారం ఇవ్వలేదు. అయితే ఈ చిత్రంలో పోలీస్ అధికారిగా నటిస్తున్నట్లు ట్విట్టర్లో పంచుకున్నాడీ కథానాయకుడు. ఇందులో నేచురల్ స్టార్ నాని ప్రతినాయక ఛాయలున్న పాత్రలో కనిపించున్నాడని సమాచారం. ఇంద్రగంటి మోహన్ కృష్ణ దర్శకత్వం వహిస్తున్నాడు.
అదితీ రావ్ హైదరి, నివేదా థామస్ హీరోయిన్స్గా నటిస్తున్నారు. అమిత్‌ త్రివేది సంగీతమందిస్తున్నాడు. దిల్ రాజు నిర్మాతగా వ్యవహరిస్తున్నారు.
ఇప్పటికే నానితో 'అష్టాచమ్మా', 'జెంటిల్ మెన్'... సుధీర్ బాబుతో 'సమ్మోహనం' చిత్రాలు తీశాడు ఇంద్రగంటి.
పుల్లెల గోపీచంద్ బయోపిక్లోను గోపీచంద్ పాత్రలో నటిస్తున్నట్లు చెప్పాడు సుధీర్బాబు. ఈ చిత్రానికి ప్రవీణ్ కుమార్ సత్తారు దర్శకత్వం వహిస్తున్నాడు.
