ప్రముఖ నిర్మాత, ప్రసాద్ గ్రూప్‌ (ఐమ్యాక్స్, ప్రసాద్ లాబ్స్‌) ఛైర్మన్‌ అక్కినేని రమేశ్ ప్రసాద్ సతీమణి విజయలక్ష్మి గురువారం తుది శ్వాస విడిచారు. ఆమె మృతిపట్ల పలువురు సినీ ప్రముఖులు ఇప్పటికే సంతాపం వ్యక్తం చేశారు. మెగాస్టార్ చిరంజీవి.. ప్రసాద్ నివాసానికి శుక్రవారం వెళ్లి నివాళులర్పించారు. కుటుంబసభ్యులను పరామర్శించారు.
మద్రాస్‌లో జన్మించిన విజయలక్ష్మి(77).. 1963లో రమేశ్ ప్రసాద్ను వివాహం చేసుకున్నారు. వీరికి ముగ్గురు అమ్మాయిలు, ఒక అబ్బాయి. నిద్రలోనే గుండెపోటు రావడం వల్ల ఆమె కన్నుమూసినట్లు వైద్యులు తెలిపారు.
