కార్లతో స్టంట్లు చేసి తన సినిమాల్లో ప్రేక్షకులను ఫిదా చేస్తుంటాడు బాలీవుడ్ నటుడు అజయ్ దేవగణ్. ఇప్పుడు అత్యంత ఖరీదైన కారు కొని అందరిని ఆశ్చర్యపరిచాడు. రోల్స్ రాయిస్ కలినన్ ఎస్యూవీని కొనుగోలు చేశాడు. దీని ధర అక్షరాల రూ.6.95 కోట్లు.
భారత్లో రిలయన్స్ అధినేత ముఖేశ్ అంబానీ, టీ సిరీస్ ఎండీ భూషణ్కుమార్ మాత్రమే ఈ లగ్జరీ కారును వాడుతున్నారు. ఈ జాబితాలోకి అజయ్దేవగణ్ చేరాడు. ఇప్పటికే అజయ్ గ్యారేజీలో బీఎండబ్ల్యూ, బెంజ్, టొయోటా లాంటి ఎన్నో విలాసవంతమైన కార్లు ఉన్నాయి.
ప్రముఖ దర్శకుడు ఎస్.ఎస్.రాజమౌళి తెరకెక్కిస్తున్న 'ఆర్ఆర్ఆర్' చిత్రంలో నటిస్తున్నాడీ బాలీవుడ్ హీరో. జూనియర్ ఎన్టీఆర్, రామ్చరణ్ కలిసి నటిస్తున్న ఈ మల్టీస్టారర్ ద్వారా ఆలియా భట్ తెలుగుతెరకు పరిచయం కాబోతుంది. వచ్చే ఏడాది జులై 30న ప్రేక్షకుల ముందుకు రానుందీ చిత్రం.
ఇది చదవండి: 'భారత మహిళలు ఎవరికీ తక్కువ కాదు'
