కర్ణాటక మాజీ ముఖ్యమంత్రి కుమారస్వామి కుమారుడు నిఖిల్ గౌడ నిశ్చితార్థం.. రేవతితో వైభవంగా జరిగింది. బెంగళూరులోని తాజ్ వెస్ట్ ఎండ్ హోటల్లో ఈ వేడుకను అట్టహాసంగా నిర్వహించారు. నిఖిల్ తాత, మాజీ ప్రధానమంత్రి దేవెగౌడతో పాటు అన్ని పార్టీల ప్రముఖులు, ఎమ్మెల్యేలు, అభిమానులు పెద్ద సంఖ్యలో హాజరయ్యారు.
ఈ వేడుకకు సంబంధించిన ఫొటోలను తన ఫేస్బుక్లో పంచుకున్నాడు నిఖిల్. ఇతడు 'జాగ్వార్' సినిమాతో వెండితెరకు పరిచయమయ్యాడు. బాస్కెట్బాల్ కథతో తీస్తున్న ఓ సినిమాలో నటిస్తున్నాడు. గతేడాది కర్ణాటక లోక్సభ ఎన్నికల్లో మాండ్య నియోజకవర్గం నుంచి పోటీ చేసి, స్వతంత్ర అభ్యర్థి సుమలతా అంబరీశ్ చేతిలో ఓడిపోయాడు.
ఇదీ చదవండి: హీరో విజయ్కు ఆదాయ పన్ను శాఖ సమన్లు
