గ్రీన్ ఇండియా ఛాలెంజ్ ఉద్యమంలా కొనసాగుతోంది. సినీ, రాజకీయ, క్రీడా ప్రముఖులు ఈ కార్యక్రమంలో భాగస్వాములవుతున్నారు. తాజాగా ప్రముఖ ఫిట్నెస్ ట్రైనర్ శిల్పారెడ్డి విసిరిన హరిత సవాల్ను మెగాస్టార్ చిరంజీవి పెద్ద కుమార్తె సుస్మితా కొణిదెల స్వీకరించారు. తన భర్త విష్ణు ప్రసాద్తో కలిసి జూబ్లీహిల్స్ లోని తన కార్యాలయంలో మూడు మొక్కలు నాటారు.
తన సోదరి శ్రీజ, హీరో అల్లు అర్జున్ సతీమణి స్నేహా రెడ్డి, స్వప్నా దత్ లకు.. సుస్మిత ఈ హరిత సవాల్ను విసిరారు.
కథానాయిక అనుపమా పరమేశ్వరన్ కూడా తన నివాసంలో హైబ్రీడ్ మల్బరీ మొక్కను నాటి గ్రీన్ ఇండియా ఛాలెంజ్ను పూర్తి చేశారు. మైత్రీ మూవీ మేకర్స్ నిర్మాతల్లో ఒకరైన రవిశంకర్... మొయినాబాద్లోని వ్యవసాయ క్షేత్రంలో మొక్కలు నాటారు. ఈ సందర్భంగా దర్శకుడు సుకుమార్తో పాటు 'ఉప్పెన' చిత్రబృందానికి రవిశంకర్ హరిత సవాల్ విసిరారు.
ఇది చూడండి : గ్రీన్ ఛాలెంజ్ : కూతురితో కలిసి మొక్కలు నాటిన మంచు లక్ష్మి
