మెగా పవర్స్టార్ రామ్చరణ్తో 'జెర్సీ' ఫేమ్ గౌతమ్ తిన్ననూరి ఓ సినిమా తెరకెక్కించనున్నాడంటూ వార్తలు వస్తున్నాయి. తాజాగా ఈ విషయంపై స్పందించిన గౌతమ్.. ఆ వార్తల్ని కొట్టిపారేశాడు. తాను ప్రస్తుతం హిందీ 'జెర్సీ' చిత్రంపైనే ఫోకస్ చేసినట్లు వెల్లడించాడు.
"నా కొత్త చిత్రం కోసం ఇప్పటివరకు ఏ హీరోను కలవలేదు. ఎవ్వరికీ కథ చెప్పలేదు. ప్రస్తుతం హిందీ 'జెర్సీ' పోస్ట్ ప్రొడక్షన్ పనుల్లో బిజీగా ఉన్నా" అని తెలిపాడు గౌతమ్.
ప్రస్తుతం రామ్చరణ్ 'ఆర్ఆర్ఆర్' చిత్రం చేస్తున్నాడు. జూనియర్ ఎన్టీఆర్ మరో హీరో. రాజమౌళి దర్శకత్వం వహిస్తున్నాడు. అలాగే 'ఆచార్య' చిత్రంలో చిరంజీవి సరసన నటిస్తున్నాడు చెర్రీ. ఇవి పట్టాలపై ఉండగానే ప్రముఖ దర్శకుడు శంకర్తో సినిమా చేసేందుకు గ్రీన్ సిగ్నల్ ఇచ్చాడు. ఈ మూవీ షూటింగ్ జులైలో ప్రారంభంకానుంది.
