బాలీవుడ్ స్టార్ జోడి రితీశ్ దేశ్ముఖ్, జెనీలియా కలిసి ఓ డిజిటల్ షోలో వ్యాఖ్యాతలుగా వ్యవహరించనున్నారు. ఈ సందర్భంగా తన భర్తతో కలిసి మళ్లీ జట్టుకట్టడం చాలా ఆనందంగా ఉందని జెనీలియా పేర్కొంది.
"చాలా కాలం తర్వాత రితీశ్తో కలిసి మళ్లీ స్క్రీన్ పంచుకోవడం నాకు చాలా ఆనందంగా ఉంది. 'లేడీస్ Vs జెంటిల్మెన్' కార్యక్రమానికి కొంతమంది సెలెబ్రిటీలు వస్తుంటారు. వారిని ప్రశ్నలు అడిగి పలు అంశాలపై డిబేట్ చేస్తాం. ఇలాంటి కార్యక్రమాలు ప్రేక్షకులను కచ్చితంగా అలరిస్తాయి. ఇందులో మా వ్యక్తిగత అనుభవాలనూ పంచుకుంటాం".
- జెనీలియా దేశ్ముఖ్, హీరోయిన్
తన భార్యతో కలిసి ఇలాంటి కార్యక్రమంలో పాల్గొనడం సవాలుతో కూడుకున్నదని రితీశ్ దేశ్ముఖ్ తెలిపాడు. ఈ కార్యక్రమం తనకు ఎంతో ప్రత్యేకమైనదని అన్నాడు. రోజువారీ విషయాలపై మహిళలు, పురుషుల గురించి ఆసక్తికర విషయాలను తెలుసుకోవడాన్ని ప్రేక్షకుల కచ్చితంగా ఆసక్తి చూపిస్తారని రితీశ్ తెలిపాడు.
'లేడీస్ Vs జెంటిల్మెన్' డిజిటల్ షో ఫ్లిప్కార్ట్ వీడియోలో ప్రసారం కానుంది. ఈ కార్యక్రమంలో అడిగే ప్రశ్నలకు వీక్షకులూ సమాధానమిచ్చే వీలుంది. షోలో అడిగిన ప్రశ్నలకు సరైన సమాధానానికి విలువైన బహుమతులు గెలుచునే అవకాశం ఉందని నిర్వహకులు తెలిపారు.
