నీటిపై నైట్​కింగ్ వస్తే ఎట్టా ఉంటాదో తెలుసా!

అమెరికా లాస్​వేగాస్​లో వాటర్​ ఫౌంటెయిన్​పై గేమ్ ఆఫ్ థ్రోన్స్ పాత్రల ఛాయచిత్రాలను ప్రదర్శించారు. వినసొంపైన రాక్ సంగీతం, కాంతులతో చూపరులను ఆకర్షిస్తోందీ ప్రదర్శన.

గేమ్​ ఆఫ్ థ్రోన్స్ టీవీ సిరిస్​కు ప్రపంచవ్యాప్తంగా ఎంతో మంది అభిమానులున్నారు. ఇప్పటివరకు ఏడు సీజన్లు రాగా అన్నీ సూపర్ హిట్​గా నిలిచాయి. ఏప్రిల్​ 14న గేమ్ ఆఫ్ థ్రోన్స్​ చివరి భాగంలోని తొలి ఎపిసోడ్ విడుదల కానుంది. ఈ సందర్భంగా అమెరికాలోని లాస్​వేగాస్​లో వాటర్​ ఫౌంటెయిన్లు అందంగా ముస్తాబయ్యాయి. గేమ్​ ఆఫ్ థ్రోన్స్​లో నటించిన ప్రముఖ పాత్రల ఛాయచిత్రాలు ఫౌంటెయిన్లపై ప్రదర్శించింది చిత్రబృందం.

నిప్పులు చెరుగుతున్న డ్రాగన్లు, ఠీవిగా నడుచుకుంటూ వస్తున్న నైట్​కింగ్​ నీడలను చూస్తూ ప్రజలు ఆశ్చర్యానికి గురవుతున్నారు. 36 వేల మీటర్లున్న సరస్సుపై నైట్ కింగ్ నడుచుకుంటూ వచ్చే సన్నివేశం అభిమానులని అలరిస్తోంది.

అందమైన నీటి బుగ్గలపై, రంగురంగుల విద్యుద్దీపాలతో దేదీప్యంగా మెరిసిపోతున్నాయి లాస్​వేగాస్ పుర వీధులు. వినసొంపైన రాక్ సంగీతం, కాంతులతో చూపరులను ఆకర్షిస్తోంది. ఏప్రిల్ 13 సాయంత్రం వరకు ఈ ప్రదర్శన కొనసాగుతుంది.