బాలీవుడ్ హీరో వరుణ్ ధావన్.. ప్రముఖ హెయిర్ ఆయిల్ నవరత్నకు బ్రాండ్ అంబాసిడర్గా పనిచేయనున్నాడు. ఈ విషయాన్ని ఇమామీ కంపెనీ ధ్రువీకరించింది. ఈ వారం నుంచే సంబంధిత ప్రకటనలు వస్తాయని తెలిపింది.
ఇప్పటికే బాలీవుడ్ హీరోలు అమితాబ్ బచ్చన్, షారుఖ్ ఖాన్, గోవింద, హీరోయిన్ శిల్పాశెట్టితో పాటు టాలీవుడ్ హీరోలు చిరంజీవి, జూనియర్ ఎన్టీఆర్ అంబాసిడర్లుగా వ్యవహరించారు.
"వరుణ్ను ప్రచారకర్తగా ఎంచుకోవడం పట్ల చాలా సంతోషంగా ఉంది. మార్కెట్ను మరింత విస్తరించే దిశగా దృష్టిసారించాం. వరుణ్ అంబాసిడర్గా వ్యవహరించడం వల్ల వినియోగదారులు పెరుగుతారని ఆశిస్తున్నాం".
- హర్ష అగర్వాల్, ఇమామీ డైరక్టర్
