దర్శకుడు ఓం రౌత్-హీరో ప్రభాస్ కాంబోలో ప్రతిష్ఠాత్మకంగా తెరకెక్కుతోన్న సినిమా 'ఆదిపురుష్'. అయితే ఈ చిత్రబృందం తాజాగా ఓ ప్రకటనను విడుదల చేసింది. ఈ సినిమాలో కొత్త నటీనటుల కోసం తాము ఎటువంటి ప్రకటన ఇవ్వలేదని ఇందులో తెలిపింది.
"ఆదిపురుష్లో కొత్తవారిని తీసుకోనున్నట్లు వదంతులు వస్తున్నాయని మా దృష్టికి వచ్చింది. మేము అధికారికంగా ప్రకటించే వరకు అలాంటి వాటిని దయచేసి నమొద్దు. త్వరలోనే మా సినిమాకు సంబంధించి కొత్త అప్డేట్ను ప్రకటిస్తాం. అప్పటివరకు జాగ్రత్తగా ఆరోగ్యంగా, సామాజిక దూరం పాటిస్తూ ఉండండి. అలానే నకిలీ వార్తలను పట్టించుకోవద్దు."
-ఆదిపురుష్ చిత్రబృందం.
పాన్‌ ఇండియా మూవీగా రూపుదిద్దుకుంటున్న 'ఆదిపురుష్'లో బీటౌన్‌ స్టార్‌హీరో సైఫ్‌ అలీఖాన్‌ రావణుడి పాత్ర పోషించనున్నారు. ప్రభాస్ రాముడిగా, కృతిసనన్ సీతగా కనిపించనున్నారు. ప్రస్తుతం చిత్రీకరణ జరుపుకుంటోందీ చిత్రం.
ఇదీ చూడండి: 'ఆదిపురుష్'లో ప్రభాస్‌కు జోడీగా కృతి ఫిక్స్‌
