లాక్డౌన్లో కొత్త కథలు సిద్ధం చేసే పనిలో పడ్డారు టాలీవుడ్ స్టార్ దర్శకులు. ఈ విరామ సమయంలోనే కొత్త సినిమాలకు సన్నాహాలు చేసేస్తున్నారు. అందులో హరీశ్ శంకర్, పూరీ జగన్నాథ్లు ఉన్నారు. వారిద్దరు తెరకెక్కించబోయే కొత్త ప్రాజెక్టుల సంకేతాలను సోషల్మీడియాలో తాజాగా అందించారు.
అదే నిర్మాణ సంస్థతో..
'గద్దలకొండ గణేష్‌' తర్వాత మరోసారి హరీశ్ శంకర్ 14రీల్స్ ప్లస్‌ పతాకంపై సినిమా చేయబోతున్నారు. ఈ విషయాన్ని చిత్ర నిర్మాణ సంస్థ సోమవారం అధికారికంగా ప్రకటించింది. ప్రస్తుతం హరీష్‌ శంకర్.. పవన్‌ కల్యాణ్‌ కథానాయకుడిగా ఓ సినిమా తెరకెక్కించే సన్నాహాల్లో ఉన్నారు. ఆ చిత్రం తర్వాతే 14రీల్స్ ప్లస్‌ నిర్మించే ప్రాజెక్టు పట్టాలెక్కనుంది. దీని గురించి ఆ సంస్థ అధినేతలు రామ్‌ ఆచంట, గోపీ ఆచంట మాట్లాడుతూ "'గద్దలకొండ గణేష్‌'తో మంచి విజయం సాధించాం. ఇప్పుడు మరోసారి హరీష్‌తో కలిసి ఓ క్రేజీ ప్రాజెక్టు కోసం పనిచేయబోతున్నందుకు ఆనందంగా ఉంది. త్వరలోనే మరిన్ని వివరాలు తెలియజేస్తాం" అన్నారు.
మరో పాన్ఇండియా సినిమాతో పూరి
అగ్ర దర్శకుడు పూరీ జగన్నాథ్ మరోసారి పాన్ ఇండియా చిత్రం చేయబోతున్నారు. అందుకోసం కథను సిద్ధం చేశారు. లాక్‌డౌన్‌ ప్రకటించగానే, ఆయన కొత్త కథ రాసుకోవడంపైనే దృష్టి పెట్టారు. ఆ కథ పూర్తిస్థాయిలో సిద్ధమైంది. ఇటీవల దర్శకులు కథలు సిద్ధం చేసుకుని, వాటిని వీడియో కాల్‌ ద్వారా కథానాయకులకు వినిపించి ఒప్పిస్తున్నారు. త్వరలోనే పూరి కొత్త సినిమాకు సంబంధించిన ప్రకటన వెలువడే అవకాశం ఉంది. అందులో ఓ అగ్ర హీరో నటించనున్నట్లు తెలుస్తోంది. పూరీ ప్రస్తుతం విజయ్‌ దేవరకొండ కథానాయకుడిగా పాన్ ఇండియా స్థాయిలో ఓ చిత్రాన్ని తెరకెక్కిస్తున్నారు.
ఇదీ చూడండి.. సోషల్మీడియాలో 'పాతాళ్లోక్' వివాదం
