పవర్స్టార్ పవన్ కల్యాణ్ ప్రస్తుతం 'పింక్' రీమేక్లో నటిస్తున్నాడు. ఈ చిత్రానికి సంబంధించి రోజుకో కొత్త వార్త వినిపిస్తోంది. రాజకీయాల్లో బిజీగా ఉన్న పవన్.. ఈ సినిమా కోసం కేవలం 30 రోజులే కాల్‌ షీట్లు ఇచ్చినట్లు సమాచారం. హైదరాబాద్‌ పరిసరాల్లో ప్రతిరోజూ చిత్రీకరణ ఉన్న నేపథ్యంలో సమయాభావాన్ని తగ్గించేందుకు పవన్‌కు ప్రత్యేక విమాన సదుపాయం కల్పించారట. ఇప్పటికే ఓ విమానయాన సంస్థతో నిర్మాత దిల్రాజు ఒప్పందం చేసుకున్నారని సమాచారం. అందుకోసం దాదాపు రూ.కోటి ఖర్చు చేస్తున్నారని అంటున్నారు.
ఫొటోల లీక్పై జనసేనాని ఆగ్రహం
ఈ చిత్ర షూటింగ్‌లో తాను పాల్గొన్న కొన్ని ఫొటోలు లీక్ కావడంపై పవర్స్టార్ ఆగ్రహం వ్యక్తం చేశాడు. ఎలాంటి సమాచారం బయటికి తెలియకుండాగోప్యంగా ఉంచాలని నిర్మాణ సంస్థకు సూచించాడట.
ఈ సినిమాకు వేణుశ్రీరామ్‌ దర్శకుడు. నివేదా థామస్‌, అంజలి, అనన్య కీలక పాత్రల్లో కనిపించనున్నారు. దిల్రాజు, బోనీ కపూర్‌ సంయుక్తంగా నిర్మిస్తున్నారు.
ఇదీ చదవండి: ఆకట్టుకుంటున్న 'అశ్వథ్థామ' సినిమా ట్రైలర్
