యువహీరో రానా, హీరోయిన్ త్రిషా మధ్య దశాబ్ద కాలంగా ప్రేమ ఉందనే ప్రచారం జరుగుతూనే ఉంది. అలా ఈ బంధం కాస్త బహిరంగ రహస్యంగానే మారింది. అయితే ఇటీవలే 'కాఫీ విత్ కరణ్' టాక్ షోకు హాజరైన రానా.. త్రిషతో ఉన్న రిలేషన్ గురించి నోరు విప్పాడు.
"నేను, త్రిషా గత పదేళ్ల నుంచి మంచి స్నేహితులుగా ఉన్నాం. మేమిద్దరం డేటింగ్కూ వెళ్లాం. కానీ ఆ బంధం ఎక్కువ కాలం కొనసాగలేదు. నా జీవితంలో కొన్ని విషయాలు సరిగ్గా జరగలేదు"
- రానా దగ్గుబాటి, కథానాయకుడు
గతంలో వరుణ్ మానియన్ అనే వ్యాపారవేత్తతో నిశ్చితార్థం చేసుకుంది త్రిష. అయితే కొన్ని కారణాల వల్ల పెళ్లి జరగలేదు. ఆ తర్వాత వివాహం గురించి ఆమె మాట్లాడలేదు. ఈ క్రమంలోనే ఇప్పుడు రానా, త్రిష మధ్య మరోసారి ప్రేమ చిగురించిందనే వార్తలు హల్చల్ చేస్తున్నాయి.
ఇదీ చూడండి.. టాలీవుడ్లో యాస లెస్సగా పలుకుతోంది
