లాక్‌డౌన్‌ కారణంగా ఆహారం దొరక్క అలమటిస్తున్న జంతువుల కోసం ఓ స్వచ్ఛంద సంస్థకు విరాళం అందించింది బాలీవుడ్ నటి శ్రద్ధా కపూర్. "మీరు మూగ జీవాల కోసం గొప్ప సహాయం చేశారు" అంటూ ఆ సంస్థ ట్విట్టర్‌ ద్వారా శ్రద్ధకు కృతజ్ఞతలు తెలిపింది.
మిగిలిన ప్రాణులను బతకనివ్వండి
లాక్‌డౌన్‌ కారణంగా మీరు ఒంటరితనంతో అలసిపోయారు కదా! మనదే కాదు చాలా జంతువులదీ అదే పరిస్థితి అంటోంది శ్రద్ధ. "కొవిడ్‌-19 ప్రపంచాన్ని బలవంతంగా స్వీయ నిర్బంధంలోకి నెట్టేసింది. ఐసోలేషన్‌ కారణంగా మానసిక ఒత్తిడి, ఒంటరితనం, ఆందోళన.. లాంటి ఎన్నో ప్రభావాలకు గురవుతున్నారు మనుషులు. ఈ బాధలు జంతువులూ పడుతున్నాయి. ఇతరుల బాధ ఎలా ఉంటుందో మనం అనుభవిస్తే కానీ తెలియదు. మనతో పాటు ఈ భూమ్మీద జీవిస్తున్న ప్రాణుల పట్ల సానుభూతి చూపండి. వాటినీ జీవించనీయండి. భూమ్మీద చాలా జీవులు జీవితాంతం వరకూ ఒంటరిగానే బతుకుతున్నాయి. ఆ బాధతో స్వయంగా ప్రాణాలు తీసుకుంటున్నాయి. ఏ జీవి నిర్బంధంలో బతకకూడదు. మనం భూమ్మీదకు వచ్చిన అతిథులం మాత్రమే.. యజమానులం కాదు" అంది శ్రద్ధ. ఒంటరి జంతువుల ఫొటోలు పంచుకుంటూ 'ఎర్త్‌' వెబ్‌సైట్‌ ఇన్‌స్టాలో చేసిన పోస్ట్‌ను రీపోస్ట్‌ చేసిందీ హీరోయిన్.
ఇదీ చూడండి.. చియాన్ విక్రమ్.. విభిన్న పాత్రలకు కేరాఫ్ అడ్రస్
