కరోనా సంక్షోభంతో ప్రపంచమంతా అతలాకుతలం అవుతోంది. ఈక్రమంలో కొత్త సినిమాలు నిర్మాణ దశలోనే ఉండగా.. మరికొన్ని చిత్రాల విడుదలలు ఆగిపోయాయి. దీంతో ప్రతి ఏడాది ఫిబ్రవరిలో నిర్వహించనున్న ఆస్కార్ అవార్డుల ప్రదానోత్సవాన్ని వాయిదా వేయాలని నిర్ణయించినట్లు ఊహాగానాలు వినిపిస్తున్నాయి. ఈ వేడుకను నాలుగు నెలలపాటు వాయిదా వేయాలనే పరిశీలన జరుగుతోందని సినీవర్గాల్లో వినిపిస్తోంది. అలా జరిగితే 93 ఏళ్లలో మొదటిసారి ఈ కార్యక్రమాన్ని వాయిదా వేసినట్లు అవుతుంది.
ఆస్కార్ పురస్కారాలను దృష్టిలో ఉంచుకుని హాలీవుడ్ సినిమాలు నవంబరు, డిసంబరు నెలల్లో ప్రేక్షకుల ముందుకొస్తాయి. భారత్లో అయితే వేసవిలో అత్యధిక సినిమాలు విడుదలవుతాయి. ఇప్పటికే పలు ఇంగ్లీష్ చిత్రాలు కొన్ని నెలల పాటు వాయిదా పడ్డాయి. వాటిలో జేమ్స్బాండ్తో పాటు మరికొన్ని సూపర్హీరోల చిత్రాలూ ఉన్నాయి. ఈ క్రమంలో అవార్డుల ప్రదానోత్సవాన్ని వాయిదా వేయమంటూ పలువురు సూచించారని సమాచారం.
ఇదీ చూడండి.. సన్నీ జీవితం ఓ తెరిచిన పుస్తకం
