ఓ మంచి ఆశయం కోసం భారత్లోని వివిధ భాషలకు చెందిన 100 మంది గాయనీగాయకులు ఒక్కటయ్యారు. వీరు ఓ పాటను రూపొందించి, కరోనా కట్టడి కోసం పోరాటం చేస్తున్న వారియర్స్(పోలీసులు, వైద్యులు తదితరులు)కు అంకితమివ్వనున్నారు. సింగర్స్లో ఆశా భోంస్లే, కుమార్ సను, సోనూ నిగమ్, హరిహరన్, ఎస్పీ బాలసుబ్రహ్మణ్యం, ఉదిత్ నారాయణ్ తదితరులు ఉన్నారు.
'వన్ నేషన్ వన్ వాయిస్' పేరుతో ఈ గీతాన్ని తెరకెక్కించారు. ఇండియన్ సింగర్స్ రైట్స్ అసోసియేషన్(ఇస్రా) తరఫున లతా మంగేష్కర్.. మే 3న జాతికి అంకిమివ్వనున్నారు. 14 భాషల్లో రికార్డు చేసిన ఈ పాటను, 100 డిజిటల్ ఫాట్ఫామ్స్లో(టీవీ, రేడియో, సోషల్ మీడియా ఇతరత్రా వాటిలో) విడుదల చేయనున్నారు.
"ప్రధాని మోదీ నేతృత్వంలో కరోనాపై పోరాటం చేస్తున్న వారి కోసం ఇస్రా తరఫున మా(గాయనీగాయకులు) ప్రేమను వ్యక్తం చేయాలని అనుకున్నాం. అందులో భాగంగానే 'వన్ వాయిస్' పేరుతో గీతాన్ని రూపొందించి, జాతికి అంకితమివ్వనున్నాం" -ఆశా భోంస్లే, గాయని
'వన్ నేషన్ వన్ వాయిస్' అనేది గేయం కాదని ఓ ఉద్యమం అని ఎక్స్పీ అండ్ డీబీలైవ్ డిజిటల్ కంపెనీకి చెందిన సుకృతి సింగ్ చెప్పారు.
