ప్రముఖ హాస్యనటుడు వేణుమాధవ్ తీవ్ర అస్వస్థతకు గురై నేడు కన్నుమూశాడు. కొంతకాలంగా కాలేయ సంబంధిత వ్యాధితో బాధపడుతున్న ఆయనకు...కిడ్నీ సమస్యలు రావడం వల్ల కుటుంబసభ్యులు ఈ నెల 6న సికింద్రాబాద్‌ యశోద ఆస్పత్రిలో చేర్పించారు. అప్పట్నుంచి డయాలసిస్ చేస్తున్నారు. మంగళవారం పరిస్థితి విషమించడం వల్ల ఐసీయూలో వెంటిలేటర్పై ఉంచి చికిత్స అందిస్తుండగా... ఈరోజు తుదిశ్వాస విడిచినట్లు వైద్యులు వెల్లడించారు.
మిమిక్రీ నుంచి హీరో...
సూర్యాపేట జిల్లా కోదాడలో జన్మించాడు వేణుమాధవ్. మిమిక్రీ కళాకారుడిగా కెరీర్‌ను ప్రారంభించిన ఈ నటుడు... ఎస్వీ కృష్ణారెడ్డి దర్శకత్వంలో 'సంప్రదాయం' చిత్రంతో వెండితెరకు పరిచయం అయ్యాడు.
- " class="align-text-top noRightClick twitterSection" data="">
- చిన్న చిన్న పాత్రలతో ప్రేక్షకులను మెప్పిస్తోన్న సమయంలో... పవన్‌కల్యాణ్‌ 'తొలిప్రేమ' చిత్రం వేణుమాధవ్‌కు మంచి గుర్తింపు తెచ్చింది.
- ఆ తర్వాత తెలుగు చిత్ర పరిశ్రమలో అత్యధిక డిమాండ్‌ ఉన్న కమెడియన్లలో ఒకడిగా పేరుతెచ్చుకున్నాడు. దాదాపు 600కు పైగా చిత్రాల్లో నటించాడు.
- ఎస్వీ కృష్ణారెడ్డి దర్శకత్వంలోనే 'హంగామా' సినిమాతో కథానాయకుడిగా మారాడు. ఆ తర్వాత 'భూకైలాస్', 'ప్రేమాభిషేకం' వంటి పలు సినిమాల్లో హీరోగా నటించాడు. ఆ తర్వాత 'యువకుడు', 'దిల్', 'లక్ష్మి', 'సై', 'ఛత్రపతి','మాస్' చిత్రాలు కమెడియన్‌గా అతడి స్థాయిని మరింత పెంచాయి.
టాలీవుడ్ ప్రముఖ కథానాయకులందరితోనూ ఆయన కనిపించాడు. 2006లో విక్టరీ వెంకటేష్ హీరోగా వీవీ వినాయక్ దర్శకత్వంలో తెరకెక్కిన 'లక్ష్మి' సినిమాకు... ఉత్తమ హాస్యనటుడిగా నంది అవార్డునూ అందుకున్నాడు. ఈ కమేడియన్కు భార్య, ఇద్దరు పిల్లలు ఉన్నారు.
- " class="align-text-top noRightClick twitterSection" data="">
రాజకీయాల్లోనూ...
చిన్నప్పటి నుంచే మిమిక్రీ పట్ల ఆసక్తి కనబర్చే వేణుమాధవ్... తాను చదువుతున్న కళాశాలలో ఒక రోజు ప్రదర్శన ఇవ్వగా... ఆ కార్యక్రమానికి హాజరైన స్థానిక ఎమ్మెల్యే చందర్‌రావును విశేషంగా ఆకట్టుకుంది. ఆ విధంగా తెలుగుదేశం పార్టీ మహానాడు కార్యక్రమంలో సాంస్కృతిక ప్రదర్శనలకు అవకాశం దక్కించుకున్నాడు. ఆ తర్వాత తన టాలెంట్తో విశ్వవిఖ్యాత నటుడు ఎన్టీఆర్ దృష్టిలో పడ్డాడు.
హైదరాబాద్‌లోని తెదేపా కార్యాలయంలో టెలిఫోన్ ఆపరేటర్‌గా, అనంతరం టీడీఎల్పీ కార్యాలయంలో లైబ్రరీ అసిస్టెంటుగా పనిచేశాడు. కొన్నాళ్లు ఎన్టీఆర్ ఇంట్లో అసిస్టెంట్‌గానూ పనిచేశాడు. నంద్యాల ఉప ఎన్నికల్లో తెలుగుదేశం పార్టీ తరఫున ప్రచారం చేశాడు. గత అసెంబ్లీ ఎన్నికల్లో కోదాడ నుంచి పోటీ చేసేందుకు నామినేషన్‌ దాఖలు చేశాడు వేణుమాధవ్.
