ఓటీటీలో 'పాగల్'
విష్వక్‌సేన్‌, నివేదా పేతురాజు జంటగా నరేష్‌ కుప్పిలి దర్శకత్వంలో తెరకెక్కిన చిత్రం 'పాగల్'. ఇటీవల విడుదలైన ఈ సినిమా యూత్‌ను ఆకట్టుకుంది. ఇప్పుడు ఓటీటీ వేదికగా ప్రేక్షకులను అలరించేందుకు సిద్ధమైంది. సెప్టెంబరు 3న ప్రముఖ ఓటీటీ అమెజాన్‌ ప్రైమ్‌ వేదికగా ఈ సినిమా స్ట్రీమింగ్ కానుంది. థియేటర్‌లలో విడుదలైన నెల రోజులోపే నెటిజన్లను అలరించేందుకు వస్తుండటం విశేషం.
- " class="align-text-top noRightClick twitterSection" data="">
రష్యాకు అజయ్ దేవగణ్
'భుజ్‌' చిత్రంతో ఇటీవలే ప్రేక్షకుల ముందుకు వచ్చిన అజయ్‌దేవ్‌గణ్‌ తన మిగిలిన చిత్రాలను పూర్తి చేసే పనిలో ఉన్నారు. 'శివాయ్‌' తర్వాత ఆయన నటిస్తూ దర్శకత్వం వహిస్తున్న చిత్రం 'మేడే'’. ఈ సినిమా కొత్త షెడ్యూల్‌ను రష్యాలో మొదలు పెట్టడానికి సన్నాహాలు చేస్తున్నారు. చిత్రీకరణకు ముందే రష్యాకు వెళ్లి అక్కడ లోకేషన్లు ఎంపిక చేయనున్నట్టు తెలుస్తోంది. ఈ షెడ్యూల్‌లో రకుల్‌ ప్రీత్‌ సింగ్, బొమన్‌ ఇరానీలు పాల్గొననున్నారు. ఇందులో అమితాబ్‌ బచ్చన్‌ మరో ప్రధాన పాత్రలో నటిస్తున్నారు. ఈ చిత్రాన్ని 2022 ఏప్రిల్‌ 29న విడుదల చేయనున్నారు.
- " class="align-text-top noRightClick twitterSection" data="">
సింగిల్ సుపుత్రుడు
యువ కథానాయకుడు సంతోష్ శోభన్ నటిస్తున్న రొమాంటిక్‌ కామెడీ ఎంటర్‌టైనర్‌ 'ప్రేమ్‌ కుమార్'. రాశీ సింగ్ కథానాయిక. అభిషేక్‌ మహర్షి దర్శకత్వం వహిస్తున్నారు. బుధవారం ఈ చిత్రానికి సంబంధించిన వీడియోను చిత్ర బృందం విడుదల చేసింది. 'సునందగారి సింగిల్ సుపుత్రుడు.. సుందర లింగానికి సోలో స్నేహితుడు..' అంటూ మొదలైన ప్రచారం చిత్రం ఆకట్టుకుంటోంది. అనంత్‌ సిర్కార్‌ స్వరాలు సమకూరుస్తున్న ఈ చిత్రాన్ని శివప్రసాద్‌ పన్నీరు నిర్మిస్తున్నారు.
- " class="align-text-top noRightClick twitterSection" data="">
ఆది-అతిథి దేవోభవ
హీరో ఆది నటిస్తున్న కొత్త సినిమా 'అతిథి దేవోభవ'. బుధవారం దీనికి సంబంధించిన ఫస్ట్లుక్ పోస్టర్ విడుదలై ఆకట్టుకుంటోంది. ఈ చిత్రానికి పొలిమేర నాగేశ్వర్ దర్శకత్వం వహిస్తుండగా.. నువేక్ష హీరోయిన్గా నటిస్తుంది. శేఖర్ చంద్ర సంగీతం అందిస్తున్నారు.
విశాల్ కొత్త సినిమా
కోలీవుడ్ హీరో విశాల్ 32వ సినిమా పూజా కార్యక్రమాలతో లాంఛనంగా ప్రారంభమైంది. వినోద్ కుమార్ దర్శకుడు. సునైనా హీరోయిన్. దీనికి సంబంధించిన ఫొటోలను సోషల్మీడియాలో పోస్ట్ చేసింది చిత్రబృందం.
- " class="align-text-top noRightClick twitterSection" data="">
'నారప్ప' ఫుల్ వీడియో సాంగ్
ప్రియమణి-వెంకటేశ్ నటించిన 'నారప్ప' సినిమా ఇటీవీల ఓటీటీలో విడుదలై విజయవంతంగా స్ట్రీమింగ్ అయింది. ఇప్పుడు ఈ చిత్రంలోని 'తల్లి పేగు' ఫుల్ వీడియో సాంగ్ను రిలీజ్ చేశారు.
- " class="align-text-top noRightClick twitterSection" data="">
థ్యాంక్యూ కలెక్టర్
"స్వదేశీ శత్రులతో దేశాన్ని కాపాడేందుకు ప్రతిరోజు కలెక్టర్లు పోరాడుతూనే ఉన్నారు. వారిలో జయించిన వారు ఉన్నారు మరణించిన వారు ఉన్నారు. వారి కథలను సెప్టెంబరు 8నుంచి 'థ్యాంక్యూ కలెక్టర్' పేరుతో మీ ముందుకు తీసుకొస్తున్నాం" అని మెగాహీరో సాయిధరమ్ తేజ్ ఓ వీడియోను రిలీజ్ చేశారు.
త్వరలోనే సాయి పొలిటికల్ థ్రిల్లర్ సినిమా 'రిపబ్లిక్'తో ప్రేక్షకుల ముందుకు రానున్నాడు. ఇందులో పంజా అభిరామ్ అనే ఐఏఎస్ అధికారిగా సాయి కనిపించనున్నాడు. ఐశ్వర్య రాజేశ్ హీరోయిన్. దేవాకట్టా దర్శకుడు. అక్టోబరు 1న థియేటర్లలోకి రానుందీ సినిమా.
- " class="align-text-top noRightClick twitterSection" data="">
ఇదీ చూడండి: రవితేజ కాల్ చేస్తే.. ఆ నటుడు గుర్తు పట్టలేదట!
