Cinema Updates: నేచురల్ స్టార్ నాని నటించిన 'శ్యామ్ సింగరాయ్' సినిమా సెన్సార్ పనులు పూర్తి చేసుకుంది. యూ/ఏ సర్టిఫికేట్ను సంపాదించుకుంది. డిసెంబర్ 24న ఈ సినిమా ప్రేక్షకుల ముందుకు రానుంది.
నాని సరసన సాయిపల్లవి, కృతిశెట్టి నటించారు. మలయాళ నటి మడోన్నా సెబాస్టియన్ ప్రధాన పోత్ర పోషించారు. రాహుల్ సాంకృత్యాన్ దర్శకత్వం వహించగా మిక్కీ జే మేయర్ సంగీతం అందించారు.
Godse Motion Poster
సత్యదేవ్ ప్రధాన పాత్రలో నటిస్తోన్న 'గాడ్సే' చిత్రం మోషన్ పోస్టర్ విడుదలైంది. ఆదివారం సాయంత్రం 5 గంటలకు సినిమా టీజర్ను విడుదల చేయనుంది చిత్రబృందం. ఈ సినిమాకు గోపీ గణేశ్ దర్శకత్వం వహిస్తున్నారు.
Arjuna Phalguna Release Date
శ్రీవిష్ణు హీరోగా నటిస్తున్న చిత్రం అర్జున ఫల్గుణ. తేజ మార్ని దర్శకత్వం వహిస్తున్న ఈ సినిమా డిసెంబర్ 31న ప్రేక్షకుల ముందుకు రానుంది. అమృత కథానాయిక. ప్రస్తుతం ఈ సినిమా చిత్రీకరణకు సంబంధించిన వీడియోను యూట్యూబ్లో పోస్ట్ చేసింది చిత్రబృందం.
Dulqur Salman New Movie Update
మలయాళ నటుడు దుల్కర్ సల్మాన్ కొత్త సినిమా అప్డేట్ వచ్చేసింది. దుల్కర్ 33వ సినిమా ఫస్ట్ లుక్ను డిసెంబర్ 21న 11 గంటలకు విడుదల చేయనున్నట్లు చిత్ర బృందం పేర్కొంది. నటి కాజల్ అగర్వాల్, అదితీరావు హైదరీ దుల్కర్ సరసన నటించనున్నట్లు తెలుస్తోంది.
ఇదీ చదవండి:
'రన్వే 34' షూటింగ్ పూర్తి.. త్వరలో 'ధర్మస్థలి' విడుదల
