కోలీవుడ్ హీరో విక్రమ్.. ప్రస్తుతం 'కోబ్రా'లో నటిస్తూ బిజీగా ఉన్నాడు. ఈ చిత్రంలో దాదాపు 25 పాత్రల్లో కనువిందు చేయనున్నాడు. ఫస్ట్లుక్ నేడు ప్రేక్షకుల ముందుకొచ్చింది. ఇందులో ఏడు వేషధారణల్లో కనిపించి అంచనాల్ని పెంచుతున్నాడీ నటుడు.
గత కొంతకాలంగా హిట్లు లేక సతమతమవుతున్నాడు విక్రమ్. 'ఐ' తర్వాత చేసిన 'ఇంకొక్కడు', 'సామి స్క్వేర్' చిత్రాలు నిరాశపరిచాయి. అందుకే 'కోబ్రా'తో ఎలాగైనా సరే హిట్ కొట్టాలని భావిస్తున్నాడు. ఈ చిత్రానికి అజయ్ జ్ఞానముత్తు దర్శకత్వం వహిస్తున్నాడు. ఎస్.ఎస్. లలిత్ కుమార్ నిర్మిస్తున్నారు. మేలో థియేటర్లలోకి రానుందీ సినిమా.
