మెగాస్టార్ చిరంజీవి హీరోగా తెరకెక్కనున్న మరో సినిమా 'వేదాళం' తెలుగు రీమేక్. దర్శకుడు మెహర్ రమేష్ ఈ చిత్రాన్ని తెరకెక్కిస్తున్నారు. అయితే ఈ సినిమాలో హీరో చెల్లెలి పాత్ర చాలా కీలకం. ఈ పాత్ర కోసం తొలుత సాయి పల్లవి పేరు వినిపించింది. ఆ తర్వాత కీర్తి సురేష్ పేరు ప్రచారం సాగింది. అయితే, తాజాగా కీర్తి సురేష్‌ను చిరు ఎంపిక చేశారని తెలిసింది. దీనిపై చర్చలు కూడా జరిగాయట. త్వరలోనే అధికారిక ప్రకటన వచ్చే అవకాశముంది.
చిరంజీవి చెల్లెలుగా కీర్తి సురేష్ అనగానే ఈ సినిమాపై ప్రేక్షకుల్లో ఆసక్తి మరింత పెరిగింది. ఈ ప్రాజెక్ట్‌కు సంబంధించి మరిన్ని వివరాలు త్వరలో వెల్లడికానున్నాయి.
ఇదీ చూడండి 'విజయ్ కుమార్తె గురించి అసభ్యంగా మాట్లాడింది నేనే'
