లాక్డౌన్ సమయంలో ఎవరికి కష్టమొచ్చినా ఇప్పుడు గుర్తొచ్చే పేరు బాలీవుడ్ నటుడు సోనూసూద్. వలస కూలీలు, విద్యార్థులను వారి స్వస్థలాలకు చేర్చేందుకు ఎంతో కృషి చేస్తున్నాడు. ఈ క్రమంలోనే దిల్లీ తిహార్కు చెందిన ఇద్దరి చిన్నారులు సోనూ చేసే సాయానికి అండగా నిలవాలనుకున్నారు. అంతే ఎప్పటినుంచో పిగ్గీ బ్యాంక్లో పోగు చేసుకున్న డబ్బును సోనూకు విరాళంగా ఇవ్వాలని నిర్ణయించుకున్నారు.
ఈ క్రమంలోనే ఈటీవీ భారత్తో ఆ చిన్నారులు తమ అభిప్రాయాలను పంచుకున్నారు. "వెండితెరపై విలన్గా కనిపించే వ్యక్తి.. నిజ జీవితంలో రియల్ హీరోగా శ్రమిస్తున్నాడు. ఎంతో మందికి సకాలంలో చేయూతనందించి వారి ప్రాణాలను కాపాడుతున్నాడు" అని పేర్కొన్నారు.
ఇటీవలే ఓ రైతుకు ట్రాక్టర్ను కొనివ్వడం ఎంతో నచ్చిందని తెలిపారు. తమ తల్లిదండ్రుల సాయంతో ఎలాగైనా సోనూకు ఈ డబ్బు అందేలా చేస్తామని చెప్పారు. తద్వారా మరికొంత మందికి సోనూ సాయం చేసేందుకు వీలుంటుందని వివరించారు.
