బాలీవుడ్ నటుడు సుశాంత్ సింగ్ రాజ్పుత్ ఆత్మహత్య కేసు ఎన్నో మలుపులు తీసుకుంటోంది. డ్రగ్స్ కోణంలో సుశాంత్ ప్రేయసి రియా చక్రవర్తితో పాటు పలువురిని విచారిస్తోన్న ఎన్సీబీ పలు కీలక విషయాలు తెలుసుకున్నట్లు సమాచారం. అయితే సుశాంత్ కేసును తప్పుదోవ పట్టించేందుకే డ్రగ్స్ కోణాన్ని బయటకు తీసుకొచ్చారని ఆరోపించారు సినీ నటి, కాంగ్రెస్ నేత నగ్మ.
"ఎన్సీబీ, సీబీఐ, ఈడీ దయచేసి జయప్రదజీకి సుశాంత్ కేసులో ఏం జరుగుతుందో చెప్పండి. ఈ కేసు విషయంలో అందరం చాలా రోజుల నుంచి ఎదురుచూస్తున్నాం. ఈ కేసును పక్కదోవపట్టించడానికి అకస్మాత్తుగా భాజపా నేతలు డ్రగ్స్ కేసు గురించి మాట్లాడుతున్నారు. దేశమంతా ప్రస్తుతం సుశాంత్కు న్యాయం కోసం చూస్తోంది."
ఇటీవల ఇదే విషయమై మాట్లాడిన సినీ నటి, భాజపా నాయకురాలు జయప్రదకు కౌంటర్గా ఈ వ్యాఖ్యలు చేసింది నగ్మ.
బాలీవుడ్ చిత్ర పరిశ్రమ డ్రగ్స్కు బానిసగా మారిందంటూ పార్లమెంటులో ఎంపీ రవికిషన్‌ వ్యాఖ్యలను సమర్థించారు సీనియర్ నటి, భాజపా నాయకురాలు జయప్రద. అంతేకాదు జయాబచ్చన్ దీనికి వ్యతిరేకంగా మాట్లడటం సరికాదని అన్నారు. ఈ విషయాన్ని రాజకీయం చేస్తున్నారని.. డ్రగ్స్కు వ్యతిరేకంగా అందరూ కలిసికట్టుగా గళం వినిపించాల్సిన అవసరం ఉందని పేర్కొన్నారు జయప్రద.
