బాలీవుడ్ దిగ్గజం అమితాబ్ బచ్చన్ ఆసుపత్రిలో చేరారు. ఇటీవలే(అక్టోబరు 11) 77వ పడిలోకి అడుగుపెట్టిన బిగ్ బీ.. రెగ్యులర్ చెకప్ కోసం ముంబయిలోని ఓ వైద్యశాలకు వెళ్లారు. ఈ విషయాన్ని ఆసుపత్రి వర్గాలు తెలిపాయి.
కాలేయ సంబంధిత సమస్యతో బాధపడుతున్నందునే ఆయన ఆసుపత్రిలో చేరినట్లు సమాచారం. అయితే ఈ విషయంపై స్పష్టత రావాల్సి ఉంది. ఈ నెల 15న ఆసుపత్రిలో చేరిన ఆయన ఇంకా అక్కడే ఉన్నట్లు తెలుస్తోంది.
కర్వాచౌతా సందర్భంగా గురువారం తన అభిమానులకు శుభాకాంక్షలు తెలిపారు బిగ్ బీ.
ప్రస్తుతం బిగ్ బీ అరడజనుకు పైగా చిత్రాల్లో నటిస్తున్నారు. ఇందులో ఝండ్, బ్రహ్మాస్త్ర, గులాబో సితాబో, ఏబీ ఆని సీడీతో పాటు తమిళంలో ఓ చిత్రం, కన్నడంలో ఓ సినిమాలో కనిపించనున్నారు.
