పవర్స్టార్ పవన్కల్యాణ్ 'భీమ్లా నాయక్' కూడా సంక్రాంతి రేసు నుంచి తప్పుకొందా? ప్రస్తుతం ఈ విషయమే చర్చనీయాంశమైంది. దీపావళి కానుకగా రిలీజ్ చేసిన కొత్త పోస్టర్లో విడుదల తేదీ లేకపోవడమే ఇందుకు కారణం. మరి దీనిపై చిత్రబృందం క్లారిటీ ఇవ్వాల్సి ఉంది.
సూపర్స్టార్ మహేశ్బాబు 'సర్కారు వారి పాట' సినిమాను తొలుత జనవరి 13న రిలీజ్ చేస్తామని చెప్పారు. కానీ కొన్ని కారణాల వల్ల ఏప్రిల్ 1న చిత్రాన్ని థియేటర్లలోకి తీసుకొస్తున్నట్లు కొత్త తేదీని ప్రకటించారు.
ప్రస్తుతం సంక్రాంతి రేసులో ఆర్ఆర్ఆర్(జనవరి 7), భీమ్లా నాయక్(జనవరి 12-తేదీ మార్చకపోతే), రాధేశ్యామ్(జనవరి 14) ఉన్నాయి. వీటి కోసం ప్రేక్షకులు ఆత్రుతగా ఎదురుచూస్తున్నారు.
మలయాళ హిట్ 'అయ్యప్పనుమ్ కోశియమ్'కు రీమేక్గా తెరకెక్కిన 'భీమ్లా నాయక్'లో పవన్, పోలీస్ అధికారిగా నటించారు. అతడిని ఢీ కొట్టే పాత్రలో రానా కనిపించనున్నారు. నిత్యమేనన్, సంయుక్త.. కీలకపాత్రలు పోషిస్తున్నారు. తమన్ సంగీతమందిస్తున్నారు. సాగర్ కె చంద్ర దర్శకత్వం వహిస్తున్నారు.
ఇవీ చదవండి:
