Vijay Beast Release date: తమిళ స్టార్ హీరో విజయ్ హీరోగా తెరకెక్కుతున్న యాక్షన్‌ థ్రిల్లర్‌ సినిమా 'బీస్ట్'. పూజా హెగ్డే హీరోయిన్. నెల్సన్‌ దిలీప్కుమార్ దర్శకుడు. వచ్చే నెల 13న ప్రపంచవ్యాప్తంగా విడుదల కానుందీ చిత్రం. ఈ మేరకు చిత్ర బృందం ట్విట్టర్ వేదికగా తెలిపింది.
ఇప్పటికే విడుదలైన ఈ మూవీలోని 'అరబిక్ కుతు' సాంగ్ ఎంతగా హిట్ అయిందో ప్రత్యేకంగా చెప్పనక్కర్లేదు. దేశవ్యాప్తంగా శ్రోతలను ఊర్రూతలూగించింది. సోషల్మీడియాలో రికార్డులు సృష్టించింది. అయితే ఇప్పుడు ఈ సినిమా నుంచి ఇప్పుడు మరో సాంగ్ విడుదలైంది. 'జాలీ ఓ జిమ్ఖానా' అంటూ సాగే ఈ సాంగ్ను హీరో విజయ్ స్వయంగా ఆలపించడం విశేషం. అనిరుధ్‌ రవిచందర్‌ ఈ సినిమాకు సంగీతం అందిస్తున్నారు.
కాగా, కేజీఎఫ్-2 సినిమా ఏప్రిల్ 14న విడుదలకు సిద్ధంగా ఉంది. దీంతో రెండు భారీ సినిమాలు బాక్సాఫీస్ వద్ద ఢీకొట్టబోతున్నాయి.
ఇదీ చదవండి: సోషల్ మీడియాలో రాజమౌళి ఫాలో అయ్యేది ఆ ఒక్కరినే..!
