'ఎఫ్2', 'సరిలేరు నీకెవ్వరు' వంటి భారీ విజయాలతో జోరుమీదున్నాడు డైరెక్టర్ అనిల్ రావిపూడి. ఈ లాక్డౌన్ సమయాన్ని ఉపయోగించుకుంటూ.. కొత్త స్క్రిప్ట్లు సిద్ధం చేసే పనిలో ఉన్నాడు. ఇప్పటికే రైటింగ్ టీమ్తో కలిసి 'ఎఫ్2' సీక్వెల్ కథను రూపొందించాడు. 2021 సంక్రాంతికి ఈ సినిమా విడుదల చేయాలని అనుకున్నారు. అయితే, కరోనా కారణంగా బ్రేకులు పడ్డాయి.
తాజాగా నటసింహం బాలకృష్ణతో కలిసి అనిల్ ఓ సినిమా తెరకెక్కించనున్నట్లు తెలుస్తోంది. ఇప్పటికే స్క్రిప్ట్ పనులన్నీ పూర్తయినట్లు సినీ వర్గాలు చెబుతున్నాయి. ఇటీవలే బాలయ్యతో సినిమా చేస్తానని అనిల్ ఓ మీడియా సమావేశంలో చెప్పిన నేపథ్యంలో.. ఈ వార్తలకు మరింత బలం చేకూరింది. ప్రస్తుతం బాలకష్ణ.. బోయపాటి దర్శకత్వంలో ఓ చిత్రంలో నటిస్తున్నాడు. ఈ సినిమా వచ్చే ఏడాది విడుదల కానుంది.
- " class="align-text-top noRightClick twitterSection" data="">
