బ్యాడ్మింటన్ తార గుత్తా జ్వాల-తమిళ నటుడు విష్ణు విశాల్ పెళ్లి తేదీ ఖరారైంది. ఈ నెల 22న వీరిద్దరు పెళ్లి పీటలెక్కనున్నారు. ఈ విషయాన్ని విష్ణు ఇన్స్టా ద్వారా తెలిపారు. తమ పెళ్లిపత్రికను పోస్ట్ చేసి.. కుటుంబం సమక్షంలో తమ వివాహం జరగబోతున్నట్లు వెల్లడించారు.
- " class="align-text-top noRightClick twitterSection" data="
">
కొన్నేళ్లుగా సహజీవనం చేస్తున్న ఈ జోడీ, గతేడాది సెప్టెంబర్లో నిశ్చితార్థం చేసుకున్నామని ప్రకటించి అందరినీ ఆశ్చర్యపరిచారు. విష్ణు గతంలో రజనీ నటరాజన్ను వివాహం చేసుకోగా.. వారికి ఆర్యన్ అనే అబ్బాయి పుట్టాడు. 2018లో ఆ జంట విడాకులు తీసుకుంది. కాగా గుత్తా జ్వాల.. చేతన్ ఆనంద్ను వివాహమాడగా.. 2011లో ఇరువురి మనసులు కలవక విడిపోయారు.
తమిళ చిత్రాలు 'రాట్ససన్', 'కబాడీ కుజు', 'నీరపర్వై'తో విష్ణు విశాల్ గుర్తింపు తెచ్చుకున్నాడు. ఇటీవల రానా నటించిన 'అరణ్య' సినిమాతో ప్రేక్షకుల ముందుకు వచ్చాడు.
ఇదీ చూడండి: హీరో విశాల్తో గుత్తాజ్వాల డేటింగ్.. ఫొటోలు వైరల్!
