ప్రేమకథల్ని తెరకెక్కించడంలో మాస్టర్‌ అనిపించుకున్న దర్శకుడు శేఖర్ కమ్ముల. సహజత్వం ఉట్టిపడేలా కథ, కథనాల్ని నడిపిస్తూ... హీరోహీరోయిన్ల మధ్య మంచి కెమిస్ట్రీని పండించే విధంగా సన్నివేశాలు తెరకెక్కిస్తాడు. తాజాగా మరో అందమైన 'లవ్స్టోరీ'ని ప్రేక్షకుల ముందుకు తీసుకువస్తున్నాడు. ఈ సినిమాలో నాగచైతన్య, సాయిపల్లవి జంటగా నటిస్తున్నారు.
ప్రేమికుల రోజుని పురస్కరించుకొని నేడు ఈ చిత్రంలోని 'ఏయ్ పిల్లా...' పాటని మ్యూజికల్ ప్రివ్యూగా విడుదల చేశారు. ఇందులో నాగచైతన్యకు ముద్దు పెట్టిన తర్వాత "ఏంది ముద్దు పెడితే ఏడుస్తారా అబ్బా.." అని సాయిపల్లవి చెప్పే డైలాగ్‌ హైలెట్‌గా నిలిచింది.
- " class="align-text-top noRightClick twitterSection" data="">
ఎ.ఆర్‌.రెహమాన్‌ శిష్యుడు పవన్‌ సి.హెచ్‌ ఈ సినిమాతో సంగీత దర్శకుడిగా పరిచయమవుతున్నాడు. రాజీవ్‌ కనకాల, ఈశ్వరీరావు, దేవయాని తదితరులు ముఖ్య పాత్రలు పోషిస్తున్నారు. నారాయణ్‌దాస్‌, కె.నారంగ్‌, పి.రామ్మోహన్‌రావు నిర్మాతలు. వేసవిలో ప్రేక్షకుల ముందుకు రానుంది చిత్రం.
