బుల్లితెరపై చిన్నారి 'పెళ్లి కూతురు'గా అలరించిన 'ఉయ్యాల జంపాల'తో హీరోయిన్గా మారింది అవికా గోర్. తర్వాత 'సినిమా చూపిస్త మావ', 'ఎక్కడికి పోతావు చిన్నవాడా' తదితర చిత్రాలతో వరుస విజయాలు అందుకున్నా సరే ఆ జోరును కొనసాగించలేకపోయింది. కొన్నాళ్లుగా తెలుగు తెరకు దూరమైన ఈ భామ.. మళ్లీ జోరు చూపించే ప్రయత్నం చేస్తోంది.
మెగా హీరో కల్యాణ్దేవ్ కొత్త సినిమాలో హీరోయిన్గా అవికా ఎంపికైంది. ఈ విషయాన్ని ఆమెనే ఇన్స్టా వేదికగా స్వయంగా వెల్లడించింది. శ్రీధర్ సీపాన దర్శకత్వం వహిస్తున్నారు. ఇప్పటికే షూటింగ్ ప్రారంభమవగా, అవికా అందులో పాల్గొంటున్నట్లు తెలుస్తోంది.
