'18 పేజీస్' సినిమాతో కొత్త ప్రయాణాన్ని మొదలుపెట్టింది నటి అనుపమ పరమేశ్వరన్. యాదృచ్ఛికంగా ఈ చిత్రం తిరిగి ప్రారంభమైన 18వ రోజునే తానూ సెట్స్‌లోకి అడుగుపెట్టానని తెలిపింది. నిఖిల్ హీరోగా నటిస్తున్న సినిమా ఇది. పల్నాటి సూర్య ప్రతాప్‌ దర్శకుడు. ప్రముఖ దర్శకుడు సుకుమార్‌.. కథ, స్క్రీన్‌ప్లే అందిస్తున్నారు.
ఇటీవల షూటింగ్ తిరిగి ప్రారంభమైన ఈ సినిమా సెట్స్‌లోకి అనుపమ అడుగుపెట్టింది. ఈ విషయాన్ని ఇన్‌స్టా వేదికగా పంచుకుంది. "18 పేజీస్' సెట్లో నేను 18వరోజు అడుగుపెట్టా. ఎందుకో నాకు మునుపెన్నడూ లేనంత ఉత్సాహంగా ఉంది" అని రాసుకొచ్చింది.
ఈ సందర్భంగా సెట్లోని సిబ్బంది చేసిన అల్లరిని వీడియోల రూపంలో అభిమానులతో పోస్ట్ చేసింది. ఓ విభిన్నమైన ప్రేమకథాంశంతో రూపొందుతోన్న చిత్రమిది. బన్నీవాసు నిర్మిస్తున్నారు. గోపీ సుందర్‌ స్వరాలందిస్తున్నారు.
