అనసూయ కొత్త సినిమా నేరుగా ఓటీటీలో

అనసూయ, విరాజ్ అశ్విన్, మోనిక తదితరులు ప్రధాన పాత్రలు పోషించిన 'థాంక్యూ బ్రదర్' ఓటీటీలో విడుదల కానుంది. ఇందులో అనసూయ గర్భిణిగా నటించింది.

ఈ మధ్య కాలంలో విడుదల కావాల్సిన సినిమాలన్నీ కరోనా ప్రభావం, థియేటర్ల మూసివేత కారణంగా వాయిదా పడుతున్నాయి. వాటి కొత్త రిలీజ్​ తేదీలపైనా సందిగ్ధత ఏర్పడుతోంది. ఈ క్రమంలోనే ఓటీటీలో విడుదలకు సిద్ధమైంది అనసూయ 'థాంక్యూ బ్రదర్'.

'థాంక్యూ బ్రదర్' మూవీ

ఏప్రిల్ 30న థియేటర్లలోకి రావాల్సిన ఈ సినిమా.. 'ఆహా'లో ఇప్పుడు మే 7 నుంచి స్ట్రీమింగ్​ కానుంది. ఈ మేరకు సోమవారం అధికారికంగా ప్రకటించడం సహా పోస్టర్​ను విడుదల చేశారు.

లిఫ్ట్​లో ఇరుక్కుపోయిన ఓ గర్భిణి, యువకుడు ఎలాంటి పరిస్థితులు ఎదుర్కొన్నారు. అందులో నుంచి ఎలా బయటపడ్డారు? అనే కథతో ఈ సినిమాను తెరకెక్కించారు. రమేశ్ రాపర్తి దర్శకుడిగా పరిచయమవుతున్నారు.

ఇది చదవండి: ప్రతిష్ఠాత్మక 'ఆస్కార్' విజేతల పూర్తి జాబితా