కత్రినాకైఫ్ 'సూర్యవంశీ' సినిమా విడుదల కోసం ఎదురుచూస్తోంది. అక్షయ్‌కుమార్‌ ప్రధాన పాత్రలో నటించిన ఈ చిత్రం.. కరోనా ప్రభావంతో ప్రేక్షకుల ముందుకు రాలేకపోయింది. అంతలోనే కత్రినా ఓ కొత్త ఆఫర్ కొట్టేసినట్లు తెలుస్తోంది. ప్రముఖ దర్శకుడు వికాస్భల్ చెప్పిన కథకు పచ్చజెండా ఊపినట్టు సమాచారం.
ఇది తండ్రీకూతుళ్ల నేపథ్యంగా సాగే వైవిధ్యమైన కథని సమాచారం. వికాస్, కత్రినా.. ఈ కథ, అందులోని పాత్రల గురించి అమితాబ్ బచ్చన్‌తో చర్చించినట్టు ప్రచారం జరుగుతోంది. నటించడానికి ఆయన సూత్రప్రాయంగా అంగీకరించారని బాలీవుడ్ వర్గాలు చర్చించుకుంటున్నాయి. మే నెల నుంచి ఈ సినిమా మొదలయ్యే అవకాశాలున్నాయి. 'డెడ్లీ' అనే టైటిల్ను చిత్రబృందం పరిశీలిస్తోంది. గతంలో ఓ ప్రకటనలో అమితాబ్, కత్రినా తండ్రీకూతుళ్లుగా నటించారు.
ఇదీ చూడండి.. కరోనాపై మీ అభిమాన తారల సూచనలివే..
