టాలీవుడ్‌లో దర్శకేంద్రుడిగా పేరొందిన రాఘవేంద్రరావు సినిమాల్లోనే ప్రత్యేకమైంది 'పెళ్లి సందడి'. శ్రీకాంత్‌, రవళి నటీనటులుగా తెరకెక్కిన ఈ చిత్రంలో దీప్తి భట్నాకర్‌ మరో కథానాయిక. శ్రీకాంత్‌ దీప్తిని ప్రేమిస్తే.. రవళి శ్రీకాంత్‌ను ఇష్టపడుతుంది. ఇలాంటి విచిత్రమైన ప్రేమకథను వెండితెరపై చక్కగా ఆవిష్కరించారు రాఘవేంద్రరావు.
శ్రీకాంత్‌ పెళ్లి చేసేందుకు హాస్యనటుల బృందమంతా సహాయం చేసే సమయంలో వాళ్లు చేసే ‘సందడి’ అంతా ఇంతా కాదు కదా. ఇంత సందడి చేసిన ఈ సినిమా చిత్రీకరణ కూడా ప్రత్యేకమే. ఎందుకంటే? సాధారణంగా సినిమాల్లో మొదటి షాట్ ఏదైనా సన్నివేశంతో ప్రారంభమవుతుంది. ఈ చిత్రాన్ని మాత్రం ఓ పాటతో ప్రారంభించారు. అంతేకాదు ఆ పాటలో హీరోయిన్‌ రవళి అభినయం చూసిన తర్వాతే ఆమెను ఆ ప్రాజెక్టులో ఉంచాలా, వద్దా? అని నిర్ణయానికి వచ్చారట. ఆ పాటే.. 'సరిగమపదనిస రాగం.. త్వరపడుతున్నది మాఘం'. ఈ పాటకే ఆమిర్ ఖాన్ క్లాప్నిచ్చింది. ఆయన తన సినిమా షూటింగ్‌కు హైదరాబాద్‌ వచ్చారు. ఇది తెలుసుకున్న రాఘవేంద్రరావు ఆయన్ను ఆహ్వానించగా.. ఆమిర్ వచ్చి ఫస్ట్‌ షాట్కు క్లాప్ ఇచ్చాడు.
ఇవీ చూడండి.. దడపుట్టిస్తోన్న విజయ్ 'విజిల్' ట్రైలర్
