స్టైలిష్ స్టార్ అల్లు అర్జున్ కుటుంబానికి ఇచ్చే వాల్యూ అంతాఇంతా కాదు. ఎప్పుడూ షూటింగ్లతో బీజీగా గడిపే బన్నీ కొంచెం సమయం దొరికినా సరే ఇంట్లో ఉండి పిల్లలతో సరదాగా గడుపుతుంటారు. అల్లు అర్జున్ హీరోగా.. సుకుమార్ కాంబినేషన్లో వస్తున్న యాక్షన్ ఎంటర్టైనర్ 'పుష్ప'. ఈ సినిమా షూటింగ్ (Puspha movie shooting update) నుంచి బన్నీకి కాస్తా విరామం దొరికింది. దీంతో వెంటనే ఫ్యామిలీతో పాటు బెస్ట్ హాలీడే స్పాట్ అయిన మాల్దీవులకు వెళ్లారు. అక్కడ పిల్లలతో కలిసి ఎంజాయ్ చేస్తున్నారు. ఇందుకు సంబంధించిన వీడియోను అల్లు అర్జున్ భార్య స్నేహా ఇన్స్టాలో షేర్ చేశారు. ఈ వీడియో ప్రస్తుతం వైరల్గా మారింది.
- " class="align-text-top noRightClick twitterSection" data="
">
వారాంతానికి తిరిగి హైదరాబాద్ చేరుకోనున్న బన్నీ తిరిగి 'పుష్ప' షూటింగ్లో పాల్గొంటారు. వచ్చే నెలలో బన్నీకి సంబంధించిన షూటింగ్ పూర్తి కానుంది. మైత్రీ మూవీ మేకర్స్‌ పతాకంపై ముత్తంశెట్టి మీడియాతో కలిసి నవీన్‌ ఎర్నేని, వై.రవిశంకర్‌లు నిర్మిస్తున్న ఈ చిత్రంలో రష్మిక మందాన కథానాయిక. ఫహద్‌ ఫాజిల్‌, సునీల్ ప్రతినాయకులుగా నటిస్తున్నారు. దేవీశ్రీ ప్రసాద్‌ స్వరాలు సమకూరుస్తున్నారు.
ఇదీ చూడండి: 'పుష్ప' రెండో సాంగ్ రిలీజ్.. అలరిస్తోన్న బన్నీ, రష్మిక కెమిస్ట్రీ
