akhanda movie release: అభిమానులు ఎప్పుడెప్పుడా అని ఎదురుచూస్తున్న 'అఖండ' చిత్రం గురువారం(డిసెంబరు 2)న ప్రపంచవ్యాప్తంగా విడుదలకానుంది. 'సింహా', 'లెజెండ్' తర్వాత బోయపాటి-బాలయ్య కాంబినేషన్లో వస్తున్న చిత్రం కావడం వల్ల అభిమానుల అంచనాలు తారస్థాయిలో ఉన్నాయి. నందమూరి నటసింహ పవర్పుల్ డైలాగ్ల కోసం వేయికళ్లతో ఎదురుచూస్తున్నారు. ఈ క్రమంలో బెనిఫిట్ షోల ప్రదర్శనకు నగరంలోని రెండు థియేటర్లకు తెలంగాణ ప్రభుత్వం గ్రీన్‌ సిగ్నల్‌ ఇచ్చింది.
కూకట్‌పల్లిలోని మల్లికార్జున, భ్రమరాంబ థియేటర్లకు బెనిఫిట్ షోలు ప్రదర్శించేందుకు అనుమతినిచ్చింది ప్రభుత్వం. ఈ స్పెషల్‌ షోలకు టికెట్‌ రేట్లను పెంచుకునేందుకు ప్రభుత్వం అనుమతినిచ్చింది. ఉదయం 4: 30 గంటలకు ఈ చిత్రాన్ని ప్రదర్శించనున్నారు.
ఈ చిత్రాన్ని మిర్యాల రవీందర్‌రెడ్డి నిర్మించారు. బాలకృష్ణ సరసన ప్రగ్యా జైస్వాల్‌ సందడి చేయనుంది. జగపతిబాబు, శ్రీకాంత్‌ తదితరులు కీలక పాత్రలు పోషించారు. తమన్‌ సంగీతం అందించారు.
ఇదీ చదవండి:'అఖండ' రిలీజ్కు రెడీ.. 'రాధేశ్యామ్' హిందీ వెర్షన్ సాంగ్
