Ajith Kumar Valimai: తమిళ స్టార్ హీరో అజిత్ కుమార్ నటించిన 'వలిమై' వాయిదా పడింది. కరోనా కేసులు పెరుగుతున్న నేపథ్యంలో జనవరి 13న విడుదల కావాల్సిన సినిమాను వాయిదా వేస్తున్నట్లు నిర్మాతలు గురువారం ప్రకటించారు. కరోనా దెబ్బకు ఇప్పటికే 'ఆర్ఆర్ఆర్', షాహిద్ కపూర్ 'జెర్సీ', ప్రభాస్ 'రాధేశ్యామ్' సినిమాలు వాయిదా పడగా.. ఈ జాబితాలో 'వలిమై' కూడా చేరినట్లైంది. దీంతో ఈ సంక్రాంతికి ఎలాగైనా తమ హీరోలను థియేటర్లలో చూడాలనుకున్న ఫ్యాన్స్కు మరోసారి నిరాశే మిగిలింది.
'వలిమై'లో అజిత్ పోలీస్ అధికారి పాత్రలో నటించగా, తెలుగు కథానాయకుడు కార్తికేయ విలన్గా అలరించనున్నారు. ఈ మూవీకి హెచ్ వినోద్ దర్శకత్వం వహించగా.. హ్యుమా ఖురేషి, యోగిబాబు తదితరులు కీలకపాత్రలు పోషించారు. యువన్‌ శంకర్‌రాజా స్వరాలు సమకూర్చారు. బేవ్యూ ప్రాజెక్ట్స్‌ పతాకంపై బోనీకపూర్‌ ఈ సినిమాను నిర్మించారు.
ఇదీ చూడండి: మూడు సినిమాలు, ఆరు టికెట్లు అనుకుంటే.. నిరాశే మిగిలెనే!
