అమెజాన్ ప్రైమ్ ఒరిజినల్ సిరీస్ 'ది ఫ్యామిలీ మ్యాన్' సీక్వెల్తో వెబ్సిరీస్తో ప్రేక్షకులను అలరించనుంది స్టార్ హీరోయిన్ సమంత. ఈ వెబ్సిరీస్ కోసం తాను ఎంతో ఆసక్తిగా ఎదురుచూస్తున్నట్లు ఆమె తెలిపింది. అయితే ఇందులో కొత్త రకమైన పాత్రలో కనిపించబోతున్నట్లు చెప్పి ప్రేక్షకులను ఆశ్చర్యపరిచింది.
"కొన్ని నియమాలను ఉల్లంఘించే అవకాశాన్ని మాకు ఓటీటీ ఇచ్చింది. ది ఫ్యామిలీ మ్యాన్-2లో నేను చాలా నియమాలను ఉల్లంఘించా. నిజం చెప్పాలంటే కొత్త తరహాగా ప్రయోగం చేశాను. దాని ఫలితం చాలా సంతోషాన్నిచ్చింది. నన్ను ఒకే విధమైన పాత్రల్లో ఊహించుకున్న వారికి ఇది కచ్చితంగా ఆశ్చర్యాన్ని కలిగిస్తుంది".
- సమంత, కథానాయిక
ఇటీవలే 'ఆహా' ఓటీటీలో 'సామ్ జామ్' అనే ఓ టాక్ షోతో నటి సమంత ఓటీటీలో అరంగేట్రం చేసింది. నందిని రెడ్డి దర్శకత్వంలో రూపొందునున్న హారర్ థ్రిల్లింగ్ చిత్రంలో సామ్ నటించనుంది.
