చర్మ సౌందర్యాన్ని కాపాడుకునేందుకు అవసరమైన చికిత్స తీసుకున్న ఓ నటికి చేదు అనుభవం ఎదురయ్యింది. కథానాయికగా ఇప్పుడిప్పుడే అడుగులు వేస్తోంది కోలీవుడ్‌ నటి రైజా విల్సన్. ధనుష్ కథానాయకుడిగా నటించిన 'వి.ఐ.పి-2'తో నటిగా వెండితెరకు పరిచయమైన రైజా ఇప్పుడిప్పుడే హీరోయిన్‌గా వరుస అవకాశాలు దక్కించుకుంటూ ప్రేక్షకుల్ని అలరిస్తున్నారు. కాగా, తాజాగా ఆమె పెట్టిన ఓ ఫొటో ప్రతి ఒక్కర్నీ షాక్‌కు గురిచేసింది. ఆ ఫొటోలో రైజా కన్ను కింద కమిలిపోయినట్లు ఉంది. ఇటీవల తాను ఓ స్కిన్ కేర్‌ వైద్యురాలిని సంప్రదించినట్లు.. ఆమె ఇచ్చిన చికిత్స వల్లే తన చర్మం ఇలా మారినట్లు రైజా తెలిపారు.
ఇదీ చదవండి: మహిళా ఆటో డ్రైవర్కు కారు కొనిచ్చిన సమంత
'చెన్నైలోని ఓ ప్రముఖ డెర్మటాలజిస్ట్ వద్ద ఇటీవల నేను చికిత్స తీసుకున్నా. అయితే నేను వద్దని చెప్పినప్పటికీ వినకుండా ఆమె ఓ విధానాన్ని ఫాలో అయ్యారు. దాని ఫలితంగా నేను ఇలా మారాను. ఇప్పుడు అదే వైద్యురాలిని కలవడానికి ప్రయత్నిస్తున్నప్పటికీ ఆమె నా ఫోన్‌ కాల్స్‌కి జవాబునివ్వడం లేదు. అలాగే నన్ను కలవడానికి కూడా ముందుకు రావడం లేదు. ప్రస్తుతం ఆమె ఊరులో లేరని సిబ్బంది చెబుతున్నారు' అని రైజా విల్సన్ పేర్కొన్నారు.
ఇదీ చదవండి: 'తుంబాద్' సీక్వెల్ రెడీ అవుతోంది!
