Actor Suman: తెలుగు ఇండస్ట్రీకి వచ్చిన కొత్తలో భాష రాకపోవడం వల్ల చాలా ఇబ్బందులు పడ్డానన్నారు సీనియర్ నటుడు సుమన్. డైలాగ్స్ చెప్పలేక ఇంట్లోకి వెళ్లి దాక్కున్నానని చెప్పారు. తనను భానుచందర్ ఒత్తిడి చేసి తెలుగులోకి తీసుకువచ్చారని గుర్తుచేసుకున్నారు. ఆయన ప్రధాన పాత్రలో నటించిన 'సేవాదాస్' చిత్రం ఏప్రిల్ 1న విడుదల కాబోతుంది. ఈ నేపథ్యంలో ఏర్పాటు చేసిన మీడియా సమావేశంలో పలు ఆసక్తికర విశేషాలను పంచుకున్నారు.
'సేవాదాస్'లో మరో సీనియర్ నటుడు భానుచందర్ కీలకపాత్ర పోషించారు. ఈ చిత్రంలో బంజార సంస్కృతి, సంప్రదాయాలను కళ్లకు కట్టినట్లు చూపించారని చెప్పారు భానుచందర్. బంజార దేవుడు సేవాలాల్ పాత్రలో సుమన్ అద్భుతంగా నటించారని ప్రశంసించారు.
శ్రీశ్రీ హథీరామ్ బాలాజీ క్రియేషన్స్ పతాకంపై కె.పి.ఎన్.చౌహాన్ దర్శకత్వంలో ఈ సినిమా తెరకెక్కుతుంది. ఇస్లావత్ వినోద్ రైనా-సీతారామ్ నాయక్ సంయుక్తంగా నిర్మిస్తున్నారు. ఈ చిత్రం బంజారా, తెలుగు, ఇంగ్లీష్‌, హిందీ భాషల్లో రూపొందుతోంది.
ఇదీ చదవండి: నెటిజన్పై సమంత ఫైర్.. దుస్తులపై అలాంటి కామెంట్!
