ఆ సినిమాల బాటలోనే మెగాస్టార్ 'ఆచార్య'!

కరోనా సంక్షోభం​ కారణంగా టాలీవుడ్​లో అనేక చిత్రాల విడుదలలు వాయిదా పడ్డాయి. ఇప్పుడదే బాటలో మెగాస్టార్​ చిరంజీవి నటిస్తోన్న 'ఆచార్య' వాయిదా పడనుందని సమాచారం. ఈ సినిమా రిలీజ్​ మే నుంచి జూన్​కు వాయిదా పడే అవకాశం ఉందని చిత్రసీమలో ప్రచారం జరుగుతోంది.

కరోనా సెకండ్​ వేవ్​ కారణంగా టాలీవుడ్​లో అనేక చిత్రాల విడుదలలు వాయిదా పడ్డాయి. ఈ నేపథ్యంలో మే నెలలో రానున్న అగ్రకథానాయకుల సినిమాలూ రిలీజ్​ అవ్వడం అనుమానంగానే కనిపిస్తోంది. అయితే మెగాస్టార్​ చిరంజీవి, రామ్​చరణ్​ కలిసి నటిస్తున్న 'ఆచార్య' సినిమా వాయిదా పడే అవకాశం ఉందని చిత్రసీమలో టాక్​ నడుస్తోంది.

'ఆచార్య' చిత్రం మే 13న ప్రేక్షకుల ముందుకురానున్నట్లు చిత్రబృందం ఇదివరకే ప్రకటించింది. కరోనా సంక్షోభం కారణంగా సినిమా విడుదలను జూన్​కు వాయిదా వేయాలని దర్శకనిర్మాతలు అభిప్రాయపడుతున్నట్లు తెలుస్తోంది.

కొరటాల శివ దర్శకత్వంలో రూపొందుతోన్న చిత్రంలో.. ప్రస్తుతం రామ్​చరణ్​పై యాక్షన్ సన్నివేశాలను తెరకెక్కిస్తున్నారు. అది పూర్తవ్వగానే ఓ పాటను చిత్రీకరించనున్నారని తెలుస్తోంది. ఇందులో కాజల్​ అగర్వాల్​, పూజా హెగ్డేలు హీరోయిన్లుగా నటిస్తున్నారు. మణిశర్మ స్వరాలు సమకూరుస్తున్నారు. కొణిదెల ప్రొడక్షన్స్​తో కలిసి మ్యాట్నీ ఎంటర్​టైన్మెంట్స్​ సంస్థ నిర్మిస్తుంది.

ఇదీ చూడండి: బాలయ్య సినిమా కోసం వందేళ్లు వెనక్కి!