దిగ్గజ విశ్వనాథన్ ఆనంద్.. చెస్లో ఎన్నో ఘనతల్ని సాధించి ప్రపంచవ్యాప్తంగా గుర్తింపు తెచ్చుకున్నారు. రాజీవ్గాంధీ ఖేల్రత్న, పద్మ విభూషణ్ అవార్డులను దక్కించుకున్నారు. అయితే ఆయన జీవితం ఆధారంగా ఓ సినిమా తీస్తున్నట్లు గతేడాది డిసెంబరులో ప్రకటించారు. అప్పటినుంచి ఆనంద్ పాత్రలో ఎవరు నటిస్తారా అని నెటిజన్లు చర్చించుకుంటున్నారు. ఈ క్రమంలోనే నిర్మాత మహావీర్ జైన్ ఆసక్తికర వ్యాఖ్యలు చేశారు.
"ప్రధాన పాత్రధారుల గురించి ఇప్పుడే చెప్పలేం. ప్రస్తుతం ప్రీ ప్రొడక్షన్ పనులు జరుగుతున్నాయి. అయితే ఆనంద్ పాత్రలో ఆమిర్ఖాన్ సరిగ్గా సరిపోతాడని నా అభిప్రాయం" అని జైన్ చెప్పారు.
ప్రస్తుతం కథను డెవలప్ చేసే పనిలో చిత్రబృందం ఉంది. త్వరలో షూటింగ్ ప్రారంభం కానుంది. మహావీర్ జైన్తో కలిసి ఈ సినిమా నిర్మిస్తున్న బాలీవుడ్ ప్రముఖ దర్శకుడు ఆనంద్ ఎల్.రాయ్ నిర్మాణంలో భాగమయ్యారు.
'దంగల్'లో నిజజీవిత పాత్ర మహావీర్ సింగ్ ఫొగాట్గా ఇప్పటికే గుర్తింపు తెచ్చుకున్న ఆమిర్.. ప్రస్తుతం 'లాల్ సింగ్ చద్దా' షూటింగ్తో బిజీగా ఉన్నారు. టామ్ హాంక్స్ 'ఫారెస్ట్ గంప్' చిత్రానికి ఇది రీమేక్గా తెరకెక్కుతోంది.
