పలుచోట్ల చిక్కుకుపోయిన వలసకూలీల కోసం బాలీవుడ్ నటుడు సోనూసూద్ ఎంతో కృషి చేస్తున్నారు. బస్సులు, విమానాలు, ప్రైవేట్ వావానాల్లో వారి స్వస్థలాలకు తరలిస్తున్నారు. ఇటీవలే ఒడిశా కేంద్రపారా జిల్లాలో చిక్కుకున్న వందలాది మంది యువతులను తమ స్వస్థలాలకు చేర్చారు. ఈ సందర్భంగా సోనూకు కృతజ్ఞతలు తెలుపుతూ కేంద్రపారా నౌజవాన్ యూనియన్ వినూత్న కార్యక్రమానికి శ్రీకారం చుట్టింది. 'థ్యాంక్ యూ సోనూ' పేరుతో సుమారు 11వేల పోస్టుకార్డులను ఆయన ఇంటికి పంపించే ఏర్పాట్లు చేసింది. జిల్లా మేజిస్ట్రేట్ సమర్త్ బర్మా ఈ కార్యక్రమాన్ని గురువారం ప్రారంభించారు.
జిల్లాలోని వివిధ బ్లాక్లు, మున్సిపాలిటీల నుంచి 8,500 ఉత్తరాలు పంపనున్నారు. సాలేపూర్, మహంగా నియోజకవర్గాలకు చెందిన మరో 2,500 పోస్టుకార్డులను.. ముంబయి పశ్చిమ అంధేరి యమునానగర్లోని సోనూ నివాసానికి చేరవేయనున్నట్లు యూనియన్ అధ్యక్షుడు తెలిపారు.
ఇదీ చూడండి:
