WhatsApp Group Video Call : ప్రముఖ మెసేజింగ్ ప్లాట్ఫామ్ వాట్సాప్ మరో సరికొత్త ఫీచర్ను లాంఛ్ చేసింది. ఒకేసారి 15 మందితో గ్రూప్ వీడియో కాల్ను మాట్లాడుకునేందుకు వీలుగా నయా ఫీచర్ను అందుబాటులోకి తెచ్చింది. అయితే ఇది కేవలం ఐఓఎస్ యూజర్లతో పాటు బీటా టెస్టర్ల డివైజ్లలో మాత్రమే పనిచేయనుంది. దీనితో ఐఓఎస్ యూజర్లు ఒకేసారి 15 మంది వ్యక్తులతో గ్రూప్ వీడియో కాల్ మాట్లాడడానికి వీలవుతుంది.
WhatsApp video call limit : అయితే ఇంతకుముందు వాట్సాప్ గ్రూప్ వీడియో కాల్ను ప్రారంభించాలంటే కేవలం ఏడుగురికి మాత్రమే అనుమతి ఉండేది. ఇక తాజాగా తెచ్చిన అప్డేట్ ద్వారా ఒకేసారి 15 మందితో వీడియో కాల్ మాట్లాడవచ్చు. దీనిని క్రమంగా 32 మందికి పెంచుకోవచ్చు. ఈ అప్డేట్ వల్ల కలిగే ప్రధాన ప్రయోజనం ఏంటంటే.. వ్యక్తులు ఒకేసారి ఎక్కువ మంది వ్యక్తులతో వీడియో కాల్‌లలో మాట్లడగలరు. దీని వల్ల వారి సమయం కూడా ఆదా అవుతుంది. ఇక ఈ ఫీచర్ను భవిష్యత్లో ఆండ్రాయిడ్ యూజర్లకు కూడా అందుబాటులోకి తెచ్చే అవకాశం ఉందని వాట్సాప్‌కు సంబంధించిన అప్‌డేట్లను పర్యవేక్షించే వెబ్‌సైట్ Wabetainfo తెలిపింది.
మోస్ట్ ఫేమస్ మెసేజింగ్ యాప్
WhatsApp user base : వాట్సాప్ అంటే తెలియని వ్యక్తి ఉండడు. అంతలా దీనిని వినియోగిస్తున్నారు. ప్రపంచవ్యాప్తంగా 200 కోట్ల మంది.. భారత్లో 50 కోట్ల మంది వాట్సాప్లో యాక్టివ్ యూజర్స్గా ఉన్నారంటే దీని పనితీరును అర్థం చేసుకోవచ్చు. ఇదిలా ఉంటే మెటా యాజమాన్యంలోని వాట్సాప్ తమ వినియోగదారులకోసం ముఖ్యంగా ఐఓఎస్ (యాపిల్ ఫోన్ వినియోగదారులు) యూజర్స్ కోసం సరికొత్త ఫీచర్ అప్డేట్స్ను లాంఛ్ చేస్తూ వస్తోంది. ఇందులో భాగంగానే ఇటీవలే మరికొన్ని అదిరిపోయే ఫీచర్లతో ప్రజల ముందుకొచ్చింది.
WhatsApp latest features : యాప్ అనుభవాన్ని మెరుగుపరచడానికి ఐఓఎస్, ఆండ్రాయిడ్ వినియోగదారుల కోసం ఇటీవలే సరికొత్త అవతార్స్, స్టికర్స్ను ప్రవేశపెట్టింది. ఈ ఫీచర్ వినియోగదారులు వారి సొంత ఫోటోలతో అవతార్‌ను క్రియేట్ చేసుకోవడానికి వీలును కల్పిస్తోంది. అంటే మీరు అవతార్‌ను మాన్యువల్‌గా సృష్టించాల్సిన అవసరం లేదు. ఇక ఐఓఎస్ వినియోగదారుల కోసం వాట్సాప్ వీడియో కాల్ను ల్యాండ్‌స్కేప్ మోడ్లో కూడా మాట్లాడుకునే విధంగా ఉండే ఫీచర్ను కూడా లాంఛ్ చేసింది వాట్సాప్. వీడియో చాటింగ్ సమయంలో వినియోగదారులు మరింత లీనమయ్యే అనుభవాన్ని ఆస్వాదించడానికి ఇది సహాయపడుతుంది.
