ప్రస్తుత కాలంలో చిన్నాపెద్దా తేడా లేకుండా అందరికీ టీవీ అనేది ఓ వినోద సాధనంగా మారింది. కాస్త ఖాళీ సమయం దొరికితే చాలు ఇంట్లో టీవీ ముందు కూర్చుని సినిమాలు, రకరకాల షోలు చూస్తూ ఎంజాయ్ చేస్తుంటాం. కొన్ని సార్లు మన టీవీ స్క్రీన్పై దుమ్ము, ధూళి పేరుకుపోయి బొమ్మ సరిగా కనిపించదు. అలాంటప్పుడు మన టీవీ స్క్రీన్ను క్లీన్ చేయవలసి ఉంటుంది. ఆ సమయంలో చాలా మంది టీవీ తెరను ఎలా క్లీన్ చేయాలో తెలియక రకరకాల వస్త్రాలను ఉపయోగిస్తూ.. కొన్ని లిక్విడ్లను స్ప్రే చేస్తుంటారు. అలా చేయడం వల్ల స్క్రీన్ పాడవుతుంది. టీవీ స్క్రీన్ను క్లీన్ చేయడం కోసం అని కొన్ని ప్రత్యేక పద్ధతులు ఉన్నాయి.
టవల్స్ వద్దే వద్దు.. మైక్రోఫైబర్స్ ముద్దు
ప్రస్తుతం కాలంలో అన్నీ ఎల్సీడీ, ఎల్ఈడీ, ఓఎల్ఈడీ స్క్రీన్ ఉన్న స్మార్ట్ టీవీలే మార్కెట్లో అందుబాటులోకి వస్తున్నాయి. అయితే ఈ టీవీల స్క్రీన్లు మాత్రం చాలా సెన్సిటివ్గా ఉంటాయి. వీటిపై కొంచెం ఒత్తిడి కలిగినా సరే పాడయ్యే ప్రమాదం ఎక్కువ. ఈ విషయం తెలియక చాలా మంది టవల్స్, టిష్యూలతో టీవీ స్క్రీన్లను తుడుస్తూ ఉంటారు. ఫలితంగా వాటిపై గీతలు పడతాయి. అందుకే స్మార్ట్ టీవీని శుభ్రం చేసేటప్పుడు తువాళ్లకు బదులుగా మైక్రోఫైబర్ క్లాత్స్ వినియోగించాలి. స్క్రీన్పై పడ్డ మరకలను ఈ మైక్రోఫైబర్ క్లాత్తో తుడిస్తే.. పూర్తిగా తొలిగిపోవడమే కాకుండా.. స్క్రీన్పై ఎలాంటి స్క్రాచెస్ పడవు.
స్ప్రే చేయవద్దు
స్మార్ట్ టీవీ తెరను శుభ్రం చేసే సమయంలో.. డైరెక్ట్గా స్క్రీన్పై ఎటువంటి లిక్విడ్ స్ప్రేలు చేయకూడదు. అలా స్ప్రే చేయడం వల్ల టీవీలోని అంతర్గత భాగాలు దెబ్బతినే ప్రమాదం ఉంటుంది. దీంతో పాటుగా తెరపై శాశ్వతంగా కొన్ని మరకలు ఏర్పడే అవకాశం ఉంది. అమ్మోనియా, ఆల్కహాల్, అసిటోన్ లాంటి స్ప్రేలను వినియోగించికూడదు. ఎందుకంటే ఇవి స్క్రీన్పై ఉండే యాంటీ గ్లేర్ పూతను దెబ్బతీస్తాయి. అసలు టీవీని క్లీన్ చేసేటప్పుడు స్ప్రేలను వాడకూడదు. ఒకవేళ వాడవలసి వస్తే.. స్క్రీన్పై డైరెక్ట్గా స్ప్రే చేయకుండా క్లీనింగ్ క్లాత్పై వేసుకుని శుభ్రం చేయాలి.
ఆ సమయంలో టీవీ ఆఫ్లోనే..
టీవీని ఆన్లో ఉంచి ఎట్టి పరిస్థితుల్లోనూ క్లీన్ చేయకూడదు. ఆఫ్ చేసిన తర్వాతనే శుభ్రం చేయాలి. ఆన్లో ఉంచి క్లీన్ చేయడం వల్ల విద్యుత్ ప్రమాదాలు జరిగే అవకాశాలు ఉన్నాయి. లిక్విడ్తో క్లీన్ చేసినప్పుడు ఆ తడి ఉన్నప్పుడు టీవీ ఆన్ చేయకూడదు. అది పూర్తిగా పొడిగా మారిన తర్వాతనే ఆన్ చేయాలి.
అటు ఇటు వద్దే వద్దు..
టీవీ స్క్రీన్ను శుభ్రం చేసేటప్పడు గజిబిజిగా తుడవకూడదు. మొదటగా ఒక దిశలో అనుకుని ఆదే డైరెక్షన్లో మొత్తం టీవీ స్క్రీన్ను మైక్రోఫైబర్ క్లాత్తో శుభ్రం చేయాలి. అలా చేయవడం వల్ల స్క్రీన్ మధ్యలో ఎక్కడా స్పాట్ మిగిలిపోవడానికి ఆస్కారం ఉండదు. దీంతో పాటుగా స్క్రీన్పై గీతలు పడే అవకాశం ఉందడు.
అలాంటప్పుడు వస్త్రం మార్చాల్సిందే..!
స్మార్ట్ టీవీ స్క్రీన్ను తుడిచే సమయంలో వస్త్రాన్ని తిప్పుతూ ఉండాలి. వస్త్రంలోని ఒకే భాగంతో దానికి అంటిన దుమ్ము, ధూళి మొత్తం స్క్రీన్కు అంటుకునే ప్రమాదం ఉంటుంది. క్లీన్ చేసే సమయంలో క్లాత్కు ఎక్కువ దుమ్ము అంటినట్లు అనిపిస్తే.. వెంటనే క్లాత్ను తిప్పాలి లేదా మరో క్లాత్ను వినియోగించాలి.
ఎల్లప్పుడూ స్క్రీన్ పొడిగానే
టీవీ స్క్రీన్ను శుభ్రపరిచిన తర్వాత.. ఆ తడి పూర్తిగా పొడిగా అయ్యే వరకు టీవీని ఆన్ చేయకూడదు. అలా చేస్తే ఆ తడి మచ్చలుగా మారే అవకాశం ఉంటుంది. కొన్నిసార్లు విద్యుత్ ప్రమాదాలు కూడా జరిగే అవకాశం ఉంటుంది.
