మిడ్ రేంజ్ సెగ్మెంట్లో శాంసంగ్ గెలాక్సీ ఎం సిరీస్లో భారత మార్కెట్లో విడుదలైన ఎం31 ఎస్ స్మార్ట్ఫోన్లు గురువారం నుంచి కొనుగోలుకు అందుబాటులోకి రానున్నాయి. అమెజాన్ ప్రైమ్ డే సేల్లో భాగంగా ఈ స్మార్ట్ఫోన్లను విక్రయానికి ఉంచనుంది శాంసంగ్.
మిడ్ రేంజ్ ఫోన్లలో ఇప్పటి వరకు ఉన్న ఫోన్లతో పోలిస్తే.. అదిరే ఫీచర్లను ఎం31ఎస్లో పొందుపరిచింది శాంసంగ్. మరి ఆ ఫీచర్లు ఏమిటి? ఫోన్ ధర ఎంత? అనే వివరాలు ఇలా ఉన్నాయి.
ఫీచర్లు..
- 6.5 అంగుళాల ఫుల్ హెచ్‌డీ ప్లస్‌ ఎస్‌అమోలెడ్ డిస్‌ప్లే
- గొరిల్లా గ్లాస్‌ 3 ప్రొటెక్షన్
- ఎగ్జినోస్‌ 9611 చిప్ సెట్
- సైడ్ మౌంట్ ఫింగర్‌ ప్రింట్ సెన్సర్, ఫేషియల్‌ రికగ్నిషన్
- వెనక వైపు నాలుగు కెమెరాలు ( 64 మెగాపిక్సెల్ ప్రైమరీ కెమెరా, 5 ఎంపీ డెప్త్‌ కెమెరా, 12 మెగాపిక్సెల్ అల్ట్రావైడ్ కెమెరా, 5 ఎంపీ మాక్రో సెన్సార్‌)
- 32 మెగా పిక్సెళ్ల పంచ్ హోల్ సెల్ఫీ కెమెరా
- ఒకే సారి ఫోటోలు, వీడియో తీయడం ఈ ఫోన్ కెమెరా ప్రత్యేకత
- 6,000 ఎంఏహెచ్ బ్యాటరీ
- 25 వాట్స్ ఫాస్ట్ ఛార్జింగ్ సపోర్ట్ (90 నిమిషాల్లో ఫుల్ ఛార్జింగ్)
ధర..
6 జీబీ ర్యామ్, 128 జీబీ స్టోరేజ్, 8 జీబీ ర్యామ్, 128 జీబీ రెండు వేరియంట్లలో ఈ మోడల్ను అందుబాటులోకి తెచ్చింది శాంసంగ్. వీటి ధరలు వరుసగా రూ.19,499, రూ.21,499గా నిర్ణయించింది. అమెజాన్ ప్రైమ్డే సేల్లో కొనుగోలు చేసే వారికి ప్రత్యేక డిస్కౌంట్లు లభించనున్నాయి.
అమెజాన్తో పాటు శాంసంగ్ అధికారిక వెబ్సైట్, ఎంపిక చేసిన రిటైల్ స్టోర్లలోనూ ఈ ఫోన్ అందుబాటులో ఉండనుంది.
