One Plus 12 Mobile Update : వినియోగదారులకు అందుబాటులోకి రాకమందే వన్ప్లస్ 12 ఫోన్ నెట్టింట సంచలనాలు సృష్టిస్తోంది. మొబైల్కు సంబంధించిన కొన్ని అత్యాధునిక ఫీచర్లు ఇందుకు కారణం. అయితే ఈ ఏడాది చివరిలో ఈ మొబైల్ రీలీజ్కు సన్నాహాలు చేస్తున్నట్లు టాక్ రాగా.. ఆ విషయాన్ని మొబైల్ తయారీ సంస్థ అధికారికంగా ధ్రువీకరించలేదు. కానీ ఊహించిన దాని కంటే మునుపే ఈ ఫోన్ యూజర్ల చేతిలో సందడి చేయనుందట. వన్ప్లస్ 11 కంటే మెరుగైన క్వాలిటీతో ఈ ఫోన్ విడుదల కానుందని సమాచారం. దీని కెమెరా, పనితీరు, ఛార్జింగ్ విభాగాలలో ముందు మోడల్ కంటే చాలా అప్‌గ్రేడెడ్గా ఉండే అవకాశం ఉందని టాక్.
టిప్‌స్టర్ ఎక్స్‌పీరియన్స్ మోర్ అనే సంస్థ వెల్లడించిన వివరాల ప్రకారం.. వన్ప్లస్ 12 డిసెంబర్‌లో లాంఛ్ అయ్యే సూచనలు కనిపిస్తున్నాయి. అయితే ఈ మొబైల్.. క్వాల్కమ్ సంస్థ ఇప్పటి వరకు అనౌన్స్ చేయని.. Qualcomm Snapdragon 8 Gen 3 SoC అనే ప్రాసెసర్తో విడుదల కానుందట.
One plus 12 Camera : ఇందులోని సెల్ఫీ కెమెరా కోసం సెంటర్-అలైన్డ్ హోల్-పంచ్ డిస్ప్లే కటౌట్‌ను ఉపయోగించారట. 2K రిజల్యూషన్‌తో రూపొందిన ఈ మొబైల్ స్క్రీన్ అంచులు కాస్త కర్వ్డ్గా ఉంటుందని టాక్. అయితే ఫోన్ డిస్ప్లే ఎంత సైజ్లో ఉంటుందన్న విషయంపై ఇంతవరకు క్లారిటీ లేదు. ఒకే వేళ దీని డిస్ప్లే కూడా వన్ప్లస్ 11ను పోలి ఉంటే, వన్ప్లస్12 కూడా 6.7ఇంచెస్లో AMOLED డిస్ప్లే కలిగి ఉండవచ్చని సమాచారం. ఫోన్ 120Hz రిఫ్రెష్ రేట్‌లోనే కొనసాగిస్తుందట.
One plus 12 Back Panel : ఫోన్ బ్యాక్ ప్యానల్ పైభాగంలో ఓ సర్క్యూలర్ కెమెరాను పొందుపరిచారు. 50-మెగాపిక్సెల్ సోనీ IMX 9-సిరీస్ ప్రైమరీ కెమెరా, 50-మెగాపిక్సెల్ అల్ట్రా-వైడ్ కెమెరాతో పాటు 64-మెగాపిక్సెల్ ఓమ్నివిజన్ OV64B పెరిస్కోప్ లెన్స్‌తో కూడిన ట్రిపుల్ రియర్ కెమెరా.. ఈ ఫోన్కు హైలైట్గా నిలవనుందని టాక్.
One Plus 12 Battery : ఈ కొత్త ఫోన్ 5,000mAh బ్యాటరీ సామర్థ్యాన్ని కలిగి ఉండగా.. వైర్డ్ ఛార్జింగ్ సామర్థ్యం 150 వాట్స్ వరకు ఉంటుందని సమాచారం. అదే సమయంలో వన్ప్లస్ 11.. 5,000mAh బ్యాటరీతో సహా 100W ఫాస్ట్ ఛార్జింగ్ సపోర్ట్ను కలిగి ఉంది.
